சிங்கத்துடன் சேர்ந்து ஒரே தட்டில் சாப்பிடும் பெண்.. வைரல் வீடியோ!

இணையத்தில் உள்ள பல வீடியோக்கள் நம்மை ஆச்சரியத்தில் மூழ்கடிக்க கூடியவை. சில வீடியோக்கள் பார்ப்பதற்கு பயமாகவும் வேடிக்கையாகவும் இருக்கும். குறிப்பாக விலங்குகளும் மனிதர்களும் இருக்க கூடிய வீடியோக்கள் சில நொடிகள் பதற்றத்தை கொடுக்கும் வகையில் இருக்கும். சாதாரண நாய், பூனை போன்ற சாதுவான விலங்குகளுடன் எடுக்கப்படும் வீடியோக்கள் எல்லோரையும் ரசிக்க வைக்க செய்யும். மேலும், அவை நமக்கு பயத்தையும் பதற்றத்தையும் கொடுக்காது.

சிங்கம், புலி, யானை, சிறுத்தை போன்ற மிக பயங்கரமான விலங்குகளுடன் எடுக்கப்படும் வீடியோக்கள் நமக்கு நிச்சயம் பயத்தை கொடுக்கும். இப்படியொரு வீடியோ தான் தற்போது இணையத்தில் வைரலாகி வருகிறது. இந்த வீடியோவில் ஒரு பெண் சிங்கத்துடன் ஒரே தட்டில் உணவு சாப்பிட்டு கொண்டிருக்கிறார். இதை பார்க்கும் யாராக இருந்தாலும் ஒரு நொடி திக்கென்று இருக்கும்.

இந்த வீடியோவை ராக் ஜூ என்கிற இன்ஸ்டாகிராமில் பக்கத்தில் பதிவிட்டுள்ளார். இதில் ஒரு பெண்ணும் சிங்கமும் மிக மகிழ்ச்சியாக உணவை ஒரே தட்டில் சாப்பிடுவது போன்று காட்டப்பட்டுள்ளது. மேலும், இருவரும் அருகருகே தரையில் அமர்ந்து சாப்பிடுகின்றனர். சிங்கம் அதன் மாமிசத்தை எப்போதும் போல பயங்கரமான பாணியில் சாப்பிடுகிறது. அப்பெண்ணும், சிங்கத்துடன் அமர்ந்து மகிழ்ச்சியாக வறுத்த இறைச்சியை சாப்பிடுகிறார்.

View this post on Instagram

A post shared by حديقة حيوانات رأس الخيمة (@rak_zoo)

இருவருக்குமான உணவுகள் ஒரு பெரிய தட்டில் வைக்கப்பட்டு உள்ளது. இந்த பதிவை பதிவிட்ட ராக் ஜூ என்கிற பக்கத்தினர். அந்த வீடியோவிற்கு கேப்ஷன் ஒன்றையும் கொடுத்துள்ளார். அதில், “பூமியில் வேறு எந்த இடத்திலும் இதைச் செய்ய முடியாது. இங்கு மட்டும் (ராக் மிருகக்காட்சிசாலையில்) இது நடப்பது சாத்தியம்" என்று குறிப்பிட்டுள்ளனர்.

இந்த வைரல் வீடியோ ஜூலை 4 அன்று சமூக ஊடகங்களில் பகிரப்பட்டது. இதுவரை, இந்த வீடியோவை 4 மில்லியனுக்கும் மேற்பட்டோர் பேர் பார்த்துள்ளனர். மேலும் இந்த வீடியோவிற்கு பலர் லைக்ஸ் மற்றும் கமெண்ட்கள் செய்து வருகின்றனர். இந்த வீடியோவை பார்த்து பலரும் அதிர்ச்சி அடைந்துள்ளனர்.

news18