ஐந்தரை வயதில் மகனை பெற்றெடுத்த சிறுமி... மருத்துவ உலகை குழப்பிய சம்பவம்... நடந்தது என்ன?

1939ஆம் ஆண்டு.. லினா மடினாவுக்கு ஐந்து வயதாக இருந்தபோது, அவரது வயிறு வளர்ந்துள்ளது. இது ஒரு கட்டி என்று அவரது பெற்றோர் தொடக்கத்தில் நினைத்தனர். பெருவில் ஒரு சிறிய கிராமத்தில் வசித்த அந்த குடும்பம் லினாவின் வயிறு வளரும் வேகத்தைப் பார்த்து, அவரை பிறகு மருத்துவரிடம் அழைத்துச் சென்றுள்ளனர்.

சில பரிசோதனைகளை டாக்டர் செய்தார். ஒன்றும் புரியாமல் அந்த மருத்துவர் லினாவின் பெற்றோரை அழைத்து தங்கள் மகள் 7 மாத கர்ப்பிணியாக இருப்பதாக தெரிவித்துள்ளனர். அதிர்ச்சியும் கோபமும் அடைந்த லினாவின் பெற்றோர் இது எப்படி நடந்தது என்று புலம்பினர், என்ன நடக்கிறது என்று அவர்களால் புரிந்து கொள்ள முடியவில்லை. இந்த விவகாரத்தில் மற்றொரு மருத்துவரின் கருத்தைக் கேட்க விரும்பினர். முதல் பரிசோதனையை செய்த டாக்டர் ஜெரால்டோ லோசாடா, லினாவை மீண்டும் ஒரு பெரிய கிளினிக்கிற்கு அழைத்துச் சென்றார். இங்கும் பரிசோதனைக்குப் பிறகு லினா தாயாகப் போவது உறுதியானது. ஒரு பெண் 5 வயதில் தாயாகிறாள், இது யாராலும் நம்ப முடியாத விஷயமாக பரவியது, ஆனால் அது உண்மை.

மருத்துவ வரலாற்றில் இளைய தாய் ஐந்தரை வயதில் ஆரோக்கியமான குழந்தையைப் பெற்றெடுத்தார். மருத்துவமனையில் அறுவை சிகிச்சைக்குப் பிறகு குழந்தை பிறந்தது. டாக்டர் லோசாடா முதலில் இந்த அறுவை சிகிச்சை செய்து குழந்தையை வெளியே எடுத்தார். லினாவின் உடல் மிகவும் சிறியதாக இருந்ததால், மிகவும் சிரமம்ப்பட்டு இந்த அறுவை சிகிச்சையை செய்ததாக கூறினார்.

குழந்தையின் அறுவை சிகிச்சை குறித்து அளிக்கப்பட்ட தகவலில், குழந்தை ஆரோக்கியமாக இருந்தது. எடை 6 பவுண்டுகள் (சுமார் மூன்று கிலோ). சிசேரியன் அறுவை சிகிச்சை செய்த மருத்துவர் குழந்தைக்கு ஜெரால்டோ என்று பெயரிட்டுள்ளார். குழந்தையைப் பெற்றெடுக்கும் போது லினாவின் வயது- 5 ஆண்டுகள் 7 மாதங்கள் மற்றும் 21 நாட்கள்.

மாதவிடாய் எப்போது வந்தது?

லினாவுக்கு மூன்று வயதிலேயே முதல் முறையாக மாதவிடாய் ஏற்பட்டதாம். இது எப்படி? என்ன காரணம்? என்று மருத்துவர்களுக்கே தெரியவில்லை. அதன்பின், ஒருவேளை லினா பாலியல் துஷ்பிரயோகத்திற்கு ஆளாகியிருக்கலாம், அதனால்தான் அவரது பாலியல் வளர்ச்சி மிக விரைவில் அவசியமானது என்று மருத்துவர் கூறினார். இருப்பினும், இதற்கு வேறு காரணங்கள் இருக்கலாம் என்றும் கருதப்பட்டது.

லினாவின் முழுப் பெயர் லினா மார்செலா மெடினா டி ஜுராடோ (பிறப்பு 23 செப்டம்பர் 1933). அவர் இன்னும் வாழ்ந்துகொண்டிருப்பதாக கூறப்படுகிறது. லினா பிறந்தபோது, அவரது பெற்றோருக்கு ஒன்பது குழந்தைகள் இருந்தனர். பெருவில் லினா குறித்த சம்பவம் வெளிச்சத்திற்கு வந்தபோது, இந்தச் செய்தி நாடு முழுவதும் பரவி அதிர்ச்சியை ஏற்படுத்தியது. இருப்பினும், லினா தனது மகனை எப்போதாவது மட்டுமே சந்தித்தார் என கூறப்படுகிறது. லினாவின் மகன் முற்றிலும் ஆரோக்கியமாக இருந்தாகவும், ஆனால் 1979ஆம் ஆண்டு 40 வயதில் இறந்துவிட்டார் எனவும் கூறப்படுகிறது.

முன்னதாக, பாலியல் துஷ்பிரயோகம் செய்ததாக சந்தேகத்தின் பேரில் லினாவின் தந்தை கைது செய்யப்பட்டார். ஆனால், போதுமான ஆதாரங்கள் இல்லாததால் அவர் விடுவிக்கப்பட்டார். இதேபோல், லினாவும் குழந்தையின் தந்தை யார், எந்த மாதிரியான சூழ்நிலையில் அவர் பாலியல் வன்கொடுமைக்கு ஆளாக்கப்பட்டார் என்பது குறித்து ஒருபோதும் ஒருகட்டத்திலும் வெளிப்படுத்தவில்லை என தெரிகிறது.

தனது மகனுடன் லினா மடினா

பின்னர், லினா மடினா 1972ஆம் ஆண்டு திருமணம் செய்து கொண்டார். இந்த திருமணம் அவரது மகனுடன் நடைபெற்றது. தான் உயிருடன் இருந்தாலும், எதையும் பேச வேண்டாம் என்று சில சமயங்களில் ஊடகங்களுக்கு வேண்டுகோள் விடுக்கிறார். 2002-ல் அவர் ராய்ட்டர்ஸுக்கு அளித்த பேட்டியில் இதை கூறியுள்ளார் என தெரிகிறது.

எந்த வயதில் சிறுமிகள் பருவமடைதல் இயல்பு?

மருத்துவர்களை பொறுத்தவரை, 10,000 குழந்தைகளில் ஒரு குழந்தை முன்கூட்டிய பருவமடைதல் (precocious puberty) போன்ற நிலையை எதிர்கொள்கின்றனர். லினா மடினாவின் நிலையும் அதுதான் என்கின்றனர். பெண் குழந்தைகளில் 8 வயதுக்கு முன்னர் பருவமடைவது முன்கூட்டிய பருவமடைதல் என்று கருதப்படுகிறது.

அறிவியலுடன் ஒப்பிடுகையில், பெண்கள் பெரும்பாலும் அதே வழியில் வளர்கிறார்கள். லினா மடினாவின் சம்பவத்தை பொறுத்தவரை, ஆண்டுகளுக்குப் பின் பலர் இந்த முழு சம்பவத்தையும் பற்றி கூறினாலும், எக்ஸ்ரே, வீடியோக்கள், அறிக்கைகள் மற்றும் ஆவணங்கள் இது உண்மையில் நடந்தது என்பதை நிரூபித்தது. ஆனால், அந்த குழந்தையின் தந்தை யார் என்பது பற்றி பிந்நாட்களில் விசாரிக்கப்படவில்லை.

news18