ஐந்தே நிமிடத்தில் 37,000 அடியிலிருந்து 31,000 அடிக்கு கீழே விழுந்த சிங்கப்பூர் விமானம் பேங்காக்கில் தரையிறங்கியது

ஐந்தே நிமிடத்தில் 37,000 அடியிலிருந்து 31,000 அடிக்கு கீழே விழுந்த சிங்கப்பூர் விமானம் பேங்காக்கில் அவசரமாக தரையிறங்கியது.

211 பயணிகள், 18 விமான ஊழியர்களுடன் உடன் லண்டனின் ஹீத்ரூ சர்வதேச விமான நிலையத்தில் இருந்து சிங்கப்பூர் பயணித்துக் கொண்டிருந்த விமானம் நடுவானில் பயங்கரமாக குலுங்கியதில் பயணி ஒருவர் உயிரிழந்தார். 30 பேர் காயமடைந்தனர் . 

இது தொடர்பாக சிங்கப்பூர் ஏர்லைன்ஸ் நிறுவனம் வெளியிட்டுள்ள அறிக்கையில், இது ஓர் எதிர்பாராத அரிதான சம்பவம். 

லண்டனில் இருந்து சிங்கப்பூர் நோக்கி வந்து கொண்டிருந்த எங்கள் போயிங் 777-300 இஆர் ரக விமானம் எஸ்கியூ 321 விமானம் வழியில் கடுமையாக குலுங்கியது. 

இதனால் விமானம் பேங்காக் நகருக்கு திருப்பிவிடப்பட்டு அங்கே அவசரமாகத் தரையிறக்கப்பட்டது.

இந்த விபத்தில் பயணி ஒருவர் உயிரிழந்தார். 30 பயணிகள் காயமடைந்துள்ளனர். இதனை நாங்கள் உறுதி செய்கிறோம்.

இப்போதைக்கு விமானத்தில் உள்ள மற்ற பயணிகள் விமான ஊழியர்களின் நலனை உறுதி செய்யும் பணிகளை மேற்கொண்டுள்ளோம்.

தாய்லாந்தில் உள்ள உள்ளூர் அதிகாரிகளுடன் பயணிகளுக்குத் தேவையான மருத்துவ உதவிகளை செய்யும்படி கோரியுள்ளோம். 

மேலும், பேங்காக் நகருக்கு உடனடியாக எங்களுடைய குழு ஒன்று அனுப்பிவைக்கப்படுகிறது எனத் தெரிவிக்கப்பட்டுள்ளது

nambikkai

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH