வள்ளுவரிடம் கேட்டதும் கிடைத்ததும்-47

231. வினா : துன்பம் செய்தாரை எவ்வாறு தண்டித்தல் வேண்டும்?

விடை : அவர்களே வெட்கப்படும்படி நன்மை செய்வதன் மூலம்

இன்னாசெய் தாரை ஒறுத்தல் அவர்நாண நன்னயம் செய்து விடல்.(314)

232. வினா : அறிவினால் ஆகும் பயன் யாது?

விடை: பிறர் துன்பத்தையும் தன் துன்பமாகக் கருதுதல்

அறிவினான் ஆகுவ துண்டோ பிறிதின்நோய் தந்நோய்போல் போற்றாக் கடை.(315)

233. வினா : பிற்பகல் தாமே வரும் எது?

விடை : முற்பகல் நாம் செய்த தீங்கு

பிறர்க்குஇன்னா முற்பகல் செய்யின் தமக்குஇன்னா பிற்பகல் தாமே வரும்.(319)

234. வினா : துன்பம் எல்லாம் யாரை வந்தடையும்?

விடை: துன்பம் செய்தவரையே துன்பம் வந்தடையும்

நோய்எல்லாம் நோய்செய்தார் மேலவாம் நோய்செய்யார் நோயின்மை வேண்டு பவர்.(320)

235. வினா : அறவினை என்பது யாது?

விடை : கொல்லாமை

அறவினை யாதெனில் கொல்லாமை கோறல் பிறவினை எல்லாந் தரும்.(321)

(தொடரும்)

மேலும்...வேட்டை வாரமலர்