வள்ளுவரிடம் கேட்டதும் கிடைத்ததும்-49

241. வினா : உலகின் பெருமை எது?

விடை : நேற்று இருந்தவன் இன்று இல்லை என்பதே

நெருநல் உளனொருவன் இன்றில்லை என்னும் பெருமை உடைத்துஇவ் வுலகு.(336)

242. வினா : மக்கள் எண்ணம் எத்தகையது?

விடை: கோடிக்கும் மேலாகும்

ஒருபொழுதும் வாழ்வது அறியார் கருதுப் கோடியும் அல்ல பல.(337)

243. வினா : உடலுக்கும், உயிருக்கும் உள்ள தொடர்பு யாது?

விடை: முட்டையும் அதிலிருக்கும் பறவைக் குஞ்சு பிரிந்து செல்வதையும் போலாகும்

குடம்பை தனித்துஒழியப் புள்பறந் தற்றே உடம்பொடு உயிரிடை நட்பு.(338)

244. வினா : பிறப்பு எதைப் போன்றது?

விடை : உறங்கி விழிப்பதைப் போன்றது

உறங்கு வதுபோலும் சாக்காடு உறங்கி விழிப்பது போலும் பிறப்பு.(339)

245. வினா : மரணம் எதைப் போன்றது?

விடை: உறங்குவது போன்றது

உறங்கு வதுபோலும் சாக்காடு உறங்கி விழிப்பது போலும் பிறப்பு.(339)

(தொடரும்)

மேலும்...வேட்டை வாரமலர்