திருக்குறள் விளக்கம்- திருநெவேலி குரலில்-163

குறள் 451

சிற்றினம் அஞ்சும் பெருமை சிறுமைதான்

சுற்றமாச் சூழ்ந்து விடும்.

நல்லவங்க  கெட்ட கொணம் உள்ளவங்களோட சேர மாட்டாங்க. ஆனா கெட்ட வங்க அவங்களோட உறவு மாதிரியே நெனச்சு முழுசா ஒட்டிக்கிடுவாங்க. 

குறள் 453

மனத்தானாம் மாந்தர்க் குணர்ச்சி இனத்தானாம்

இன்னான் எனப்படுஞ் சொல்.

ஒருத்தருக்கு ஏற்படுத உணர்ச்சி என்பது அவரோட மனசைப் பொறுத்து இருக்கும். அவரு எப்படிப்பட்டவரு எங்கிறது அவரைச் சுத்தி இருக்க ஆளுங்களை வச்சு சொல்லிறலாம். 

குறள் 454

மனத்து ளதுபோலக் காட்டி ஒருவற்கு

இனத்துள தாகும் அறிவு.

ஒருத்தரோட அறிவு அவரோட மனத்தைப் பொறுத்தமாதிரி தெரிஞ்சாலும், அது அவரு சேர்ந்திருக்கிற கூட்டத்தைப் பொறுத்து தான் இருக்கும். 

குறள் 456

மனந்தூயார்க் கெச்சம்நன் றாகும் இனந்தூயார்க்கு

இல்லைநன் றாகா வினை.

மனசு தூய்மையா இருந்தாக்கா அவொளுக்கு பொறவு எல்லாமே நல்லாஇருக்கும். சேர்ந்து இருக்க இனம் தூய்மையா இருந்தாக்கா எல்லாம் நல்லதாவே அமையும். 

குறள் 457

மனநலம் மன்னுயிர்க் காக்கம் இனநலம்

எல்லாப் புகழும் தரும்.

மன நலம் நம்ம உயிருக்கு செழிப்பைத் தரும். சமூக நலம் எல்லாப் புகழையும் நமக்குத் தரும். 

(தொடரும்) 

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS