மருதப்"பா"வரங்கம்-3

கோட்டை

சேர்ந்திடும் கோட்டையில் சூழ்ந்து

(இன்னிசை வெண்பா அந்தாதி)

கோட்டையைக் காத்தல் குடிகாத்தல் தானன்றோ

ஏட்டுப் புலவர் இனிதுரைத்தார்; எஞ்ஞான்றும்

நாட்டினில் வீரர் நலம்பெறும் கோயிலெனக்

காட்டிடும் கோட்டையைக் காண்:

காண்பவர் உள்ளம் களித்து மகிழ்ந்திடும்

தூண்பல கொண்டு திகழ்ந்துயரும்;நாட்டினர்

போற்றிப் புகழ்ந்து புதுநிலை கொள்வரே

ஆற்றுப் படுத்தும் அழகு:

அழகினில் ஓங்கி அடர்ந்திடும் காட்சி

முழங்கிடும் வீரம் முகிழ்த்தெழ மேவிடும்

ஆற்றல் படைத்திட ஆணைகள் கூவிட

ஏற்குமே கோட்டை எழில்:

எழில்கூட்ட என்றும் இயங்கி உலகில்

வழிவழி ஆளும் வரலாறு தான்படைக்கும்

நீதி வழுவா நெறிமுறை தானோங்கும்

சோதியே கோட்டைச் சுடர்:

சுடரும் ஒளியாய்ச் செயல்படும் மன்னர்

தொடரும் தகைமையால் தூய்மை;அடலேறாய்

ஆர்த்து நிறைந்த அறிவுப் புலமையைச்

சேர்த்திடும் "கோட்டையில்"

சூழ்ந்து:

தாமஸ் ஆல்வா எடிசன்

"வளியாய்த் திகழ்ந்த வனப்பு"

 (நேரிசை வெண்பா)

ஆல்வா எடிசன் அருளொளிர்ந்த

சால்பாம் சரித்திரச் சான்றோனே--

ஏலும்

ஒளியால் உலகை உயர்ந்திட வைத்த 

வளியாய்த் திகழ்ந்த வனப்பு:

(தொடரும்)

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS