02 மில்லியனை தொட்ட சுற்றுலாப் பயணிகளின் எண்ணிக்கை

2024 ஆம் ஆண்டின் 20 இலட்சமாவது சுற்றுலாப் பயணி இன்று காலை 10.49 மணியளவில் பண்டாரநாயக்க சர்வதேச விமான நிலையத்தை வந்தடைந்தார்.

இவர் பாங்காக்கில் இருந்து UL 403 விமானத்தில் வந்தடைந்தார்.

200,0000 ஆவது சுற்றுலாப்பயணியை வரவேற்பதற்காக சுற்றுலாத்துறை பிரதி அமைச்சர் கலாநிதி ருவன் ரணசிங்கவுடன் சுற்றுலா ஊக்குவிப்பு பணியகத்தின் தலைவர் திரு.புத்திக ஹேவாவசம் விமான நிலையத்திற்கு வந்திருந்தார்.

இலங்கை சுற்றுலா ஊக்குவிப்பு பணியகம், பண்டாரநாயக்க சர்வதேச விமான நிலையத்தின் Silk Route Loungeல் சுற்றுலா பயணிகளை வரவேற்கும் விசேட விழாவையும் ஏற்பாடு செய்திருந்தது.

ஆண்டுக்கு 20 லட்சத்தை தாண்டிய சுற்றுலா பயணிகளின் வருகை இது நான்காவது முறையாகும், இதற்கு முன்பு 2016, 2017 மற்றும் 2018 ஆம் ஆண்டுகளில் மட்டும் 20 லட்சத்தை தாண்டியுள்ளது.

2018-க்குப் பிறகு, இந்த ஆண்டு ஒரு வருடத்தில் அதிக சுற்றுலாப் பயணிகளைப் பதிவு செய்துள்ளது.

டிசம்பர் முதல் 26 நாட்களில், 195127 சுற்றுலாப் பயணிகள் வந்துள்ளனர், டிசம்பர் 31 நள்ளிரவுக்குள் 250000 சுற்றுலாப் பயணிகள் வருகை தருவார்கள் என்று எதிர்பார்க்கப்படுகிறது.

(எதிர்பார்க்கப்படும் எண்ணிக்கை 256,389) இதற்கு முன்பு, பெப்ரவரி 2019 மட்டும் ஒரு மாதத்தில் 250000 சுற்றுலாப் பயணிகளைக் கடந்துள்ளது. (அது 252,033)

ஈஸ்டர் தாக்குதல், கோவிட் தொற்றுநோய் மற்றும் பொருளாதார நெருக்கடி காரணமாக சுற்றுலாத் துறை வீழ்ச்சியடைந்தது, புதிய அரசாங்கம் பதவியேற்ற பிறகு சுற்றுலாத் துறை விரைவான வளர்ச்சியைக் காட்டுகிறது.

வெளிநாட்டு சுற்றுலாப் பயணிகள் எதிர்கொள்ளும் ஆன்லைன் விசா பிரச்சினைகளைத் தீர்ப்பதுடன், சுற்றுலாப் பயணிகளின் பாதுகாப்பை உறுதிப்படுத்துவதுடன், பயணச் சேவை வழங்குநர்கள் எதிர்கொள்ளும் பிரச்சினைகளையும் விரைவாக தீர்க்க தற்போதைய அரசாங்கம் நடவடிக்கை எடுத்துள்ளது.

புதிய அரசாங்கம் 39 நாடுகளுக்கு இலவச விசா வசதிகளை வழங்கவும் செயல்பட்டது. 2025ஆம் ஆண்டு 30 இலட்சம் சுற்றுலாப் பயணிகளை இந்நாட்டிற்குக் கொண்டு வரும் திட்டத்தைச் செயல்படுத்த உள்ளது.

itnnews