இந்தியாவுக்கு தலைவலியாக இருந்த டிராவிஸ் ஹெட்டுக்கு ஏற்பட்ட பின்னடைவு

இந்திய அணிக்கு எதிராக சொந்த மண்ணில் நடைபெற்று வரும் ஐந்து போட்டிகள் கொண்ட பார்டர் கவாஸ்கர் டெஸ்ட் கிரிக்கெட் தொடரில் விளையாடி வரும் ஆஸ்திரேலிய அணியானது முதல் போட்டியில் படுபாசமான தோல்வியை சந்தித்து இருந்தாலும், இரண்டாவது போட்டியின் போது அட்டகாசமான கம்பேக் கொடுத்து இந்திய அணியை வீழ்த்தி தொடரை ஒன்றுக்கு ஒன்று (1-1) என்ற கணக்கில் சமன் செய்திருந்தது.

அதனை தொடர்ந்து பிரிஸ்பேன் நகரில் நடைபெற்ற மூன்றாவது டெஸ்ட் போட்டியிலும் முதல் இன்னிங்சில் மிகப்பெரிய ரன்குவிப்பை வழங்கிய ஆஸ்திரேலியா அணி அந்த போட்டியில் வெற்றி பெறும் என்று எதிர்பார்க்கப்பட்டது. ஆனால் மழை காரணமாக போட்டி டிராவில் முடிவடைந்தது.

இந்நிலையில் அடுத்ததாக டிசம்பர் 26-ஆம் தேதி நடைபெறவிருக்கும் பாக்சிங் டே டெஸ்ட் போட்டியில் இந்திய அணிக்கு எதிராக ஆஸ்திரேலிய அணி விளையாட இருக்கிறது. இந்த தொடரின் கடைசி இரண்டு போட்டிகளில் வெற்றி பெற்று தொடரை கைப்பற்றபோது எந்த அணி என்பது குறித்த எதிர்பார்ப்பு தற்போது அதிகரித்துள்ளது.

இந்நிலையில் ஆஸ்திரேலியா அணியின் நட்சத்திர வீரரான டிராவிஸ் ஹெட் நான்காவது போட்டியில் விளையாடுவது சந்தேகம் என்ற தகவல் வெளியாகி உள்ளது. ஏனெனில் மூன்றாவது போட்டியின் போது சிறிது காயத்தை சந்தித்த டிராவிஸ் ஹெட் நான்காவது டெஸ்ட் போட்டிக்கு முன்னதாக பயிற்சி போட்டியில் பங்கேற்கவில்லை என்று கூறப்பட்டுள்ளது.

மேலும் அவரை பரிசோதித்த மருத்துவக்குழு அவரது காயம் சிறிதாக இருந்தாலும் ஒருவேளை பயிற்சியில் ஈடுபட்டால் அது அதிகரிக்கும் வாய்ப்பும் இருக்கிறது என்பதனால் முன்னெச்சரிக்கை காரணமாகவே பயிற்சியினை தவிர்த்திருக்கிறார் என்றும் கூறப்பட்டுள்ளது.

பாக்ஸிங் டே போட்டிக்கு முன்னதாக அவர் பூரண குணமடையவில்லை என்றால் நிச்சயம் அந்த போட்டியில் விளையாட மாட்டார் ஒருவேளை டிராவிஸ் ஹெட் விளையாடவில்லை என்றால் அவருக்கு பதிலாக ஜாஸ் இங்கிலீஷ் அவரது இடத்தில் அறிமுகமாக வாய்ப்புள்ளதாக கூறப்படுவது குறிப்பிடத்தக்கது.

crictamil