Ticker

6/recent/ticker-posts

10 வருடம்.. தசாப்தம் கழித்து சரிந்த சகாப்தம்.. மோசமான சாதனை படைத்த இந்தியாவை.. நாக் அவுட் செய்த ஆஸி தகுதி


ஆஸ்திரேலிய மண்ணில் இந்தியா 5 போட்டிகள் கொண்ட பார்டர் – கவாஸ்கர் கோப்பை டெஸ்ட் தொடரில் விளையாடியது. அத்தொடரின் முதல் போட்டியில் பும்ரா தலைமையில் வென்ற இந்தியா அடுத்த மூன்று போட்டிகளில் ரோஹித் தலைமையில் இரண்டு தோல்விகளை சந்தித்தது. அந்த நிலையில் சிட்னியில் நடைபெற்ற கடைசி போட்டியில் 6 விக்கெட் வித்தியாசத்தில் ஆஸ்திரேலியா வெற்றி பெற்றது.

ஜனவரி 3ஆம் தேதி துவங்கிய அந்த போட்டியில் முதலில் விளையாடிய இந்தியா 185 ரன்கள் மட்டுமே எடுத்தது. அதிகபட்சமாக ரிஷப் பண்ட் 40 ரன்கள் எடுத்த நிலையில் ஆஸ்திரேலியாவுக்கு அதிகபட்சமாக ஸ்காட் போலன்ட் நான்கு விக்கெட்டுகளை வீழ்த்தினார். அடுத்ததாக களம் இறங்கிய ஆஸ்திரேலியாவை சிறப்பாக பந்து வீசிய இந்தியா 181க்கு ரன்களுக்கு ஆல் அவுட்டாக்கியது.

அதிகபட்சமாக வெப்ஸ்டர் 57 ரன்கள் எடுத்த நிலையில் இந்தியாவுக்கு அதிகபட்சமாக பிரசித் கிருஷ்ணா மற்றும் முகமது சிராஜ் தலா மூன்று விக்கெட்டுகளை எடுத்தார்கள். பின்னர் 4 ரன்கள் முன்னிலையுடன் களம் இறங்கிய இந்தியா சுமாராக விளையாடிய 157 ரன்கள் மட்டுமே எடுத்தது. அதிகபட்சமாக ரிஷப் பண்ட் 61 ரன்கள் எடுத்த நிலையில் ஆஸ்திரேலியாவுக்கு அதிகபட்சமாக ஸ்காட் போலன்ட் 6 விக்கெட்டுகள் வீழ்த்தினார்.

இறுதியில் 162 ரன்களை துரத்திய ஆஸ்திரேலியாவுக்கு கோன்ஸ்டஸ் 22, கவாஜா 41, ஹெட் 34*, வெப்ஸ்டர் 39* ரன்கள் எடுத்தார்கள். அதனால் எளிதாக வெற்றி பெற்ற ஆஸ்திரேலியா 3 – 1* (5) என்ற கணக்கில் இத்தொடரை வென்றது. அதன் வாயிலாக 2014க்குப்பின் முதல் முறையாக பார்டர் – கவாஸ்கர் கோப்பையை வென்று ஆஸ்திரேலியா சாதனை படைத்ததுடன் இந்தியாவை நாக் அவுட் செய்து 2025 உலக டெஸ்ட் சாம்பியன்ஷிப் ஃபைனலுக்கும் தகுதி பெற்றது.

குறிப்பாக 2023 உலக டெஸ்ட் சாம்பியன்ஷிப், 2023 உலக கோப்பை தொடர்ந்து இந்தக் கோப்பையையும் இந்தியாவிடம் இருந்து ஆஸ்திரேலியா பறித்துள்ளது. மறுபுறம் கேப்டன் பும்ரா காயத்தால் பந்து வீசாததால் இந்தியாவுக்கு அதிகபட்சமாக பிரசித் கிருஷ்ணா 3 விக்கெட்டுகள் எடுத்தும் தோல்வியை தவிர்க்க முடியவில்லை. அதனால் 10 வருடங்கள் கழித்து பார்டர் – காவஸ்கர் கோப்பையை தங்கள் கையில் இருந்து இந்தியா நழுவ விட்டது.

அத்துடன் சமீபத்தில் நியூசிலாந்துக்கு எதிராகவும் இந்தியா மோசமான தோல்வியை சொந்த மண்ணில் சந்தித்தது. அதன் வாயிலாக 10 வருடங்கள் ஒரு தசாப்தம் கழித்து முதல் முறையாக இந்தியா அடுத்தடுத்த டெஸ்ட் தொடர்களில் தோல்வியை சந்தித்து மோசமான சாதனை படைத்தது. மேலும் 2021, 2023 தொடர்ந்து முதல் முறையாக டெஸ்ட் சாம்பியன்ஷிப் ஃபைனலுக்கும் தகுதி பெறாமல் இந்தியா வெளியேறியுள்ளது.

crictamil




 

Email;vettai007@yahoo.com

Post a Comment

0 Comments