குறள் 573
பண்என்னாம் பாடற்கு இயைபின்றேல் கண்என்னாம்
கண்ணோட்டம் இல்லாத கண்.
ஒரு பாட்டு இருக்கு. அதுக்கேத்தபடி இசை இருக்காட்டா அதுனால ஒரு பயனும் இல்லை. அது மாதிரி தான் இரக்கம் காட்டாத கண் இருந்து என்ன பயன்.
குறள் 574
உளபோல் முகத்தெவன் செய்யும் அளவினால்
கண்ணோட்டம் இல்லாத கண்.
இரக்கம் இல்லாத பார்வை இருக்குன்னு வச்சுக்குவம். அந்த கண்ணு மொகத்துல இருக்குண்ணு தான் பேரு. அதைத் தவுற அதுனால யாருக்கு என்ன பலன்.
குறள் 577
கண்ணோட்டம் இல்லவர் கண்ணிலர் கண்ணுடையார்
கண்ணோட்டம் இன்மையும் இல்.
கருணைப் பார்வை யாருக்கெல்லாம் இருக்கோ அவங்க ளுக்கு இருக்கது தான் கண்ணு. கருணை இல்லாதவங்களை எல்லாம் கண்ணு இல்லாதவங்களாத் தான் மத்தவங்க பாப்பாங்க.
குறள் 580
பெயக்கண்டும் நஞ்சுண் டமைவர் நயத்தக்க
நாகரிகம் வேண்டு பவர்.
எல்லார்கிட்டயும் நாகரிகத்தோடு பழகுதவங்க, நெருங்கிப் பழகுற ஆளுங்க வந்து நஞ்சையே கொடுத்தாலும், அதை வேங்கிச் சாப்பிட்டு மகிழ்ச்சி அடைவாங்க.
குறள் 581
ஒற்றும் உரைசான்ற நூலும் இவையிரண்டும்
தெற்றென்க மன்னவன் கண்.
உளவு பாக்குற வேலை, நல்ல யோசனை தருத நூல்கள் இந்த ரெண்டும் ஆட்சி செய்கிறவனோட ரெண்டு கண்கள் மாதிரி.
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments