பெரும் மூச்சோடு ராணி அமைதியானார்.பின்னர் எழுந்து ராஜகுமாரி இருக்கும் இடம் நோக்கி புறப்பட்டார்கள். அதற்கு முன்னரே மாமனார் ராஜகுமாரியை நலம் விசாரிக்க வருவதாக அறிவிப்புக் கொடுத்து விட்டார்.
அதற்கு ஏற்றாப் போல் ராஜகுமாரியை தோழியர் அலங்கரித்து விட்டார்கள்.
அறையை நெருங்கியதும் மாமனார் மகாராஜா மருமகளைப் பார்த்துக் கண் கலங்கி விட்டார். ராஜகுமாரி அதைக் கண்டுக்கவே இல்லை. சிறு வினாடி உற்று நோக்கி விட்டு பார்வையை வேறு திசை திருப்பி விட்டார். அப்போது மந்திரி மருத்துவர் குமரனை அழைத்து அறிமுகம் செய்து விட்டார்.
அவனும் வணக்கம் கூறினான்.பதில் வணக்கமிட்ட மகாராஜா அவனிடம் சொன்னார்"என் மருமகளை முழுமையாகக் குணப்படுத்தித் தாரும். என் இல்லமும் எங்களது உள்ளமும் அவர் வருகைக்காகக் காத்திருக்கிறது. மகன்களை இழந்த தாய்க்கு இப்போது மருமகளே சேயாக வேண்டிய கட்டாயத்தில் இருக்கார். எனது மருமகள் விரைந்து குணமடையச் செய்திடுங்கள் மீண்டும் நான் வரும் போது மருமகளோடு செல்ல வேண்டும்" என்று இரு கரம் கூப்பினார் மகாராஜா.
மருத்துவர் குமரன் கரங்களைப் பற்றிக் கொண்டு கூறினான்."நிச்சியம் என் முழுமையான முயற்சியில் ஈடு பட்டு நலமாக்கிட பாடு படுவேன் ராஜாவே கவலை மறந்து செற்று வாருங்கள்" என்றான்.
"நன்றி மருத்துவரே நான் வருகிறேன்" என்று கூறி விட்டுப் புறப்படவே அவரோடு வருகை தந்த மந்திரி மகாராணி உட்படக் காவலர்களும் புறப்பட்டார்கள்.
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments