அண்ணலே! எங்கள் ஆருயிரே யாரசூலுல்லாஹ்

முஸ்தபா ஸல்லல்லாஹு அலைஹி வஸல்லம் அவர்களின் வாசலில் நாம் கருணையை பிச்சையாகக் கேட்கிறோம். நமது தேவைகளை நிறைவேற்றுபவரிடம் நாம் கேட்கிறோம். நமக்கு கஷ்டங்களிலிருந்து விடுதலை தேவை என்பது அவருக்குத் தெரியும், எனவே அவரை வஸீலாவாக (மத்தியஸ்தராக) ஆக்கி நாம் இறைவனிடம் வேண்டுகிறோம்.

யா நபி ஸல்லல்லாஹு அலைஹி வஸல்லம்! என் மீதும் ஒரு கருணைப் பார்வையைச் செலுத்துங்கள். நீங்கள் அகிலத்தாருக்குக் கருணை புரிவதற்காகவே அனுப்பப்பட்டீர்கள்.

அனைத்து நபிமார்களுக்கும் தலைவரே! ஹரம் ஷரீஃபின் மகுடமே! யா நபி ஸல்லல்லாஹு அலைஹி வஸல்லம்! என் மீதும் ஒரு கருணைப் பார்வையைச் செலுத்துங்கள். நீங்கள் கருணை காட்டுவதற்காகவே அனுப்பப்பட்டீர்கள்.

எனது உலகம் சுவனமே பொறாமைப்படும் அளவுக்கு அழகானதாக மாறட்டும். யா நபி ஸல்லல்லாஹு அலைஹி வஸல்லம்! உங்கள் ஒரு கனிவான பார்வை என் மீது படட்டும். அதன் மூலம் மகிழ்ச்சி என்னை நெருங்கட்டும், கவலைகள் என்னை விட்டுத் தூரம் செல்லட்டும். நீங்கள் கருணை புரிவதற்காகவே அனுப்பப்பட்டீர்கள்.

உங்களது ஒளி பொருந்திய அந்தத் திருமேனி, இறைவனின் கருணைக்குக் காரணமாக இருக்கிறது. படைப்புகள் அனைத்திலும் இந்தச் செய்தி பிரபலம் அடைந்துள்ளது. வானம் ஆகட்டும், பூமி ஆகட்டும், அரபு தேசம் ஆகட்டும் அல்லது அரபு அல்லாத தேசம் ஆகட்டும், நீங்கள் அனைவருக்கும் கருணையாகவே அனுப்பப்பட்டீர்கள்.

அல்லாஹ் உங்களை இரு உலகங்களுக்கும் அதிபதியாக ஆக்கியுள்ளான். உங்களை எல்லா விதத்திலும் அவன் உயர்த்தி கண்ணியப் படுத்தியுள்ளான். நீங்களே மிக உயர்ந்தவர், நீங்களே போற்றுதலுக்குரியவர். நீங்கள் கருணை காட்டுவதற்காகவே அனுப்பப்பட்டீர்கள்.

கவாஜாவின் அந்தஸ்து எவ்வளவு சிறப்பானது! யாருடைய விதியில் நபிகளார் ஸல்லல்லாஹு அலைஹி வஸல்லம் அவர்களின் புகழ் பாடும் பாக்கியம் இருக்கிறதோ, அதுவே மிகச் சிறந்தது. இந்த கண்ணியம் எப்போதும் நிலைத்திருக்க வேண்டும் என்பதே பிரார்த்தனை. யா நபி ஸல்லல்லாஹு அலைஹி வஸல்லம்! என் மீதும் ஒரு கருணைப் பார்வையைச் செலுத்துங்கள். நீங்கள் கருணை புரிவதற்காகவே அனுப்பப்பட்டீர்கள்.

(தொடரும்)