ஒன்றே மனிதம்!

பாசமில்லார் யாராயினும்

நமக்குரியவரே;

பாசமுடையோர் எப்போதும்

நம் உரிமையானவரே.

அடுத்தவரைப் புரிந்துகொண்டு

அன்புடன் வாழ்ந்திடுவோம்;

அடுத்தவரை நோகடிக்கும் செயல்

நம்மையே வந்து சேரும்.

ஒன்றே மனிதம் என்று

உலகம் முழுதும் கூறுவோம்;

ஒருவனே இறைவன் என்று

உள்ளங்களில் விதைப்போம்.

ஈரமான மனதோடு

இனிய அன்பை பகிர்வோம்;

என்றும் துணையாக இருந்து

இன்ப வாழ்வு படைப்போம்.

மனிதனில் மிருகம் உண்டு,

மிருகத்திலும் மனிதம் உண்டு;

நன்மை நிறைந்த இதயம்தான்

உலகை உயர்த்தும் உண்மை.

நல்லாட்சி மலர்ந்திடுமே

நல்லோர் வாழும் நாட்டிலே;

நீதியும் நேர்மையும் காக்கும்

நிலையான புகழ் அதுவே.

அநீதியின் பாதை விரைவாகத்

தோன்றினாலும் நிலையில்லை;

நீதியின் பாதை மெதுவாக இருந்தாலும்

நிம்மதியே அதன் பலன்.

அறிஞர்கள் காட்டிய வழியில்

அறத்தை விதைத்துச் செல்வோம்;

நன்மையின் ஒளியை ஏந்தி

நாளைய உலகை மாற்றுவோம்.

உள்ளங்களில் ஒளி ஏற்றி

உயர்ந்த மனிதர் ஆகுவோம்;

வருங்காலம் நமக்காக

வெற்றிப் பாதை திறக்கட்டும்.

ஒன்றே மனிதம் என்று

உலகம் முழுதும் பாடுவோம்;

அன்பும் அறமும் கைகோர்த்து

அமைதியான வாழ்வை உருவாக்குவோம்.

ஆர் எஸ் கலா

இலங்கை |  இந்தியா | உலகம் 

தமிழ்நாடு | விளையாட்டு 

தொடர்கதை | சிறுகதை 

கவிதை | செந்தமிழ் இலக்கியம் 

இஸ்லாமிய சிந்தனை 

மொழிபெயர்ப்புக் கதைகள் 

கட்டுரைகள் |  Ai SONGS |

ஆரோக்கியம் |வரலாறு|

சமையல்| ENGLISH  |HOME 

Email;vettai007@yahoo.com