இன்னா நாற்பது -31.
பண்ணமையா யாழின்கீழ்ப் பாடல் பெரிதின்னா
எண்ணறியா மாந்தர் ஒழுக்குநாட் கூற்றின்னா
மண்ணின் முழவி னொலியின்னா வாங்கின்னா
தண்மை யிலாளர் பகை.
விளக்கம்:
- நரம்புகள் சரியில்லாத யாழின் இசை துன்பமாகும்.
- வழிகாட்டுதல் இல்லாத மனிதனின் நடத்தை துன்பமாகும்.
- தாளம் இல்லாத மத்தள இசை கேட்பது துன்பமாகும்.
- நற்பண்பு இல்லாதவர்களைப் பகைத்துக் கொள்வது துன்பமாகும்.
இன்னா நாற்பது -32.
தன்னைத்தான் போற்றா தொழுகுத னன்கின்னா
முன்னை யுரையார் புறமொழிக் கூற்றின்னா
நன்மை யிலாளர் தொடர்பின்னா வாங்கின்னா
தொன்மை யுடையார் கெடல்.
விளக்கம்:
- தனது வாழ்க்கையையும், நலத்தையும் பேணாமல் இருப்பது துன்பமாகும்.
- ஒருவன் முகத்திற்கு முன்னால் பேசாமல், பின்னால் அவதூறாகப் பேசுவது துன்பமாகும்.
- நற்பண்பு இல்லாதவர்களுடன் நட்பு பேணுவது துன்பமாகும்.
- செழிப்பாக வாழ்ந்தவர்கள், நிலை தாழ்ந்து போவது துன்பமாகும்.
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments