"ஆப்கானிஸ்தானில் பெண் கல்விக்கு ஆதரவு இல்லாத எவரையும் நான் சந்திக்கவில்லை"- ஐ.நா.வின் துணை சிறப்பு தூதர் மார்கஸ் போட்செல்

ஆப்கானிஸ்தானுக்கான ஐ.நா.வின் துணை சிறப்பு தூதர் மார்கஸ் போட்செல், CCTVக்கு அளித்த பேட்டியில், இஸ்லாமிய எமிரேட்டின் பல அதிகாரிகள் பெண் கல்விக்கு ஆதரவாக உள்ளனர் என்று தெரிவித்துள்ளார்.

இஸ்லாமிய எமிரேட் அதிகாரிகளுடனான பேச்சுவார்த்தைக்குப் பிறகு, பெண்கள் உரிமைப் பிரச்சினைகளில் காபூல் அதிகாரிகளின் அணுகுமுறையில் மாற்றங்கள் ஏற்படுவதற்கான நம்பிக்கைக்குரிய அறிகுறிகளைக் கண்டதாக பொட்செல் கூறினார்.

"பெண் கல்விக்கு ஆதரவு இல்லாத எவரையும் நான் சந்திக்கவில்லை. இந்த நாட்டில் பெரும்பான்மையானவர்கள் பெண் கல்வியை ஊக்குவித்து பெண்களின் உரிமைகளை ஆதரிப்பதை இது எனக்கு காட்டுகிறது,” என்றார்.

இதற்கிடையில், நாட்டில் உள்ள சில பெண் மாணவர்கள் பெண்கள் பள்ளிகள் மூடப்படுவது குறித்து கவலை தெரிவித்தனர். மேலும் இஸ்லாமிய எமிரேட் பள்ளிகளை விரைவில் மீண்டும் திறக்குமாறு கேட்டுக் கொண்டனர்.

"பெண்களாகிய எங்களுக்கு எங்களுடைய தனித்துவமான லட்சியங்கள் உள்ளன, மேலும் நாங்கள் எங்கள் எதிர்காலத்தை வளர்த்துக் கொள்ள விரும்புகிறோம், மற்ற வர்க்க சமூகத்துடன் சேர்ந்து எங்கள் தாய்நாட்டைக் கட்டியெழுப்ப விரும்புகிறோம், மேலும் அதன் முன்னேற்றத்திற்காக உழைக்க விரும்புகிறோம்," என்று ஹதியா என்ற மாணவி கூறுகின்றார்.

"இரண்டு மதகுருக்களின் கூட்டங்கள் நடத்தப்பட்டுள்ளன, ஆனால் பள்ளிகள் மீண்டும் திறப்பது பற்றி எதுவும் கூறப்படவில்லை. அவர்கள் அனைவரும் அமைதியாக இருந்தனர் மற்றும் சிறுமிகளுக்கு எந்த உரிமையும் கொடுக்கவில்லை," என்று மற்றொரு மாணவர் ஃபர்ஹத் தெரவித்தார்.

பெண்கள் பள்ளிகளை மூடுவதும், பெண் கல்விக்கு எதிரான மனநிலையும் தலிபான்களின் அடிப்படைக் கூறுகளில் ஒன்றாகவும், அறிவுசார் கருத்துக்களில் ஒன்றாகவும் கருதப்படுகிறது" என்று சர்வதேச உறவுகளில் நிபுணர் மஹ்தி அஃப்சாலி கூறினார்.

எனினும், இஸ்லாமிய அமீரகத்தின் தலைமையின் முடிவைப் பொறுத்தே பெண்கள் பள்ளிகள் திறக்கப்படும் என இஸ்லாமிய எமிரேட் மீண்டும் மீண்டும் கூறியுள்ளது.