வள்ளுவரிடம் கேட்டதும் கிடைத்ததும்-20

96.வினா : தந்தையின் கடமை யாது?

விடை: தம் மக்களை, கற்றோர் முன் கற்றவராய் இருக்கச் செய்தல்

தந்தை மகற்குஆற்றும் நன்றி அவையத்து முந்தி யிருப்பச் செயல்,(67)

97.வினா : ஒரு தாய் எப்போது மகிழ்வாள்?

விடை: தன் மகனைச் சான்றோன் எனக் கேட்கும் போது

ஈன்ற பொழுதிற் பெரிதுவக்கும் தன்மகனைச் சான்றோன் எனக்கேட்ட தாய்.(69)

98.வினா : மகனின் கடமை யாது?

விடை: இவனைப் பெற இவன் தந்தை என்ன தவம் செய்தாரோ எனக் கேட்கும்படி இருத்தல்

மகன் தந்தைக்கு ஆற்றும் உதவி இவன்தந்தை என்னோற்றான் கொல்எனுஞ் சொல்,(70)

99.வினா : அன்பை எது வெளிப்படுத்தும்?

விடை: அன்புடையாரது கண்ணீர்

அன்பிற்கும் உண்டோ அடைக்குந்தாழ் ஆர்வலர் புன்கண்நீர் பூசல் தரும்.(71)

100.வினா : எல்லாம் எனக்கே என வாழ்பவர் யார்?

விடை: அன்பில்லாத சுயநலவாதிகள்

அன்பிலார் எல்லாம் தமக்குரியர் அன்புடையார் என்பும் உரியர் பிறர்க்கு.(72)

(தொடரும்)

மேலும்...வேட்டை வாரமலர்