"ஹமாஸ் போராளிகளுடன் இனி பேச்சுவார்த்தை நடத்துவது கடினம்"

ஹமாஸ் விடுதலைப் போராளிகளுடன் இனி பேச்சுவார்த்தை நடத்துவது கடினம் என்று கத்தார் தெரிவித்துள்ளது.லெபனானில் நடத்தப்பட்ட தாக்குதலில் ஹமாஸ் அமைப்பின் துணைத் தலைவர் கொல்லப்பட்ட நிலையில் பிணைக்கைதிகளை விடுவிப்பது தொடர்பில் அந்த அமைப்புடன் பேச்சுவார்த்தை நடத்துவது கடினம் என கத்தார் அரசாங்கம் அறிவித்துள்ளது .

ஹமாஸ்-இஸ்ரேல் போரை நிறுத்த கத்தார் மத்தியஸ்தம் வகித்தது .கடந்த மாதம் ஒருவார யுத்த நிறுத்ததிற்கு இரு தரப்பும் ஒத்துழைத்தது.எனினும் மீண்டும் இந்தப் போரானது மிகவும் மோசமான நிலைக்கு சென்றுகொண்டிருக்கின்றதை பார்க்கின்றோம். இந்நிலையில் கத்தார் பிரதமர் மொஹமத் பின் அப்துல்ரஹ்மான் அல் தனி   தலைநகர் தோஹாவில் ஹமாஸ் அமைப்பினர் வசம் உள்ள பணய கைதிகளின் குடும்பத்தினருடன் பேச்சுவார்த்தை நடத்தினார்.

அவர்களிடம், "பணய கைதிகளின் குடும்பத்தினரின் துன்பத்தை புரிந்து கொண்டுள்ளோம். ஆனால், பெய்ரூட் நகர தாக்குதலுக்கு பிறகு ஹமாஸ் அமைப்பினருடன் பேச்சு வார்த்தை நடத்துவது கடினமாக உள்ளது" என அல் தனி தெரிவித்தார்.  

அக்டோபரில் ஆரம்பித்த போர் மூன்று மாதங்களையும் கடந்துவிட்டது.பலதடவைகள் போர் நிறுத்தத்திற்கு முயற்சி செய்தும் இஸ்ரேலின் அடாவடித்தனம் குறைந்தபாடில்லை.ஹமாஸ் போராளிகளுக்கு எதிரான யுத்தம் என்ற போர்வையில் இன அழிப்பை செய்துகொண்டிருக்கின்றார்கள் இஸ்ரேல் பயங்கரவாதிகள்.  

பொது மக்களை கொன்று குவிக்கின்றார்கள்..மருத்துவ நிலையங்களை நிர்மூலமாக்குகின்றார்கள்.மக்களுக்கு உணவு கிடைக்காதவண்ணம் தடைகள் விதிக்கின்றார்கள்.அதாவது குண்டுகளை எரிந்து கொலைசெய்வது போதாதென்று பட்டினிபோட்டு கொலை செய்கின்றார்கள்.

இது ஒரு இன அழிப்பு .என்பதை தெரிந்தும் உலக நாடுகள் மெளனம் காக்கின்றது.யுத்த நிறுத்தத்தைப் பற்றி பேசிக்கொண்டிருப்பதைவிட இஸ்ரேலை கடுமையான நெருக்கடிக்குள் தள்ளவேண்டும்.

அது பொருளாதார நெருக்கடியாகவும் இருக்கலாம் ,போராகவும் இருக்கலாம்.அப்படியில்லாமல் இந்த யுத்தம்,ஒருபோதும் முடியப்போவதில்லை.இஸ்ரேலிய பிரதமர் தன்னுடைய பதவியை காப்பாற்ற அப்பாவி மக்களை தொடர்ந்தும் கொலை செய்துகொண்டிருப்பார்.

எனினும் இஸ்ரேலிய மக்கள் பிரதமர் நெதன்யாகுக்கு எதிராக போராட்டங்களில் ஈடுபட்டுள்ளதாகவும் தகவல்கள் தெரிவிக்கின்றன.

வெகு விரைவில் நெதன்யாகு தூக்கி எறியப்படுவார் என்றும்,காசாவில் அமைதி நிலவும் என்றும் தெரிவிக்கப்படுகின்றன 

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH