இந்திய கிரிக்கெட் அணியின் கேப்டன் ரோகித் சர்மா ஒரு உலகக் கோப்பையாவது இந்திய அணிக்கு வென்று கொடுத்தே ஆக வேண்டும் என்ற கனவுடன் பயணித்து வருகிறார். 2023-ஆம் ஆண்டு 50 ஓவர் உலகக் கோப்பை போட்டியில் இறுதி போட்டி வரை சென்ற ரோகித் சர்மா தலைமையிலான இந்திய அணி இறுதியில் ஆஸ்திரேலியா இடம் தோல்வியை சந்தித்து கோப்பையை பறிகொடுத்தது. இருப்பினும் எதிர்வரும் டி20 உலக கோப்பையை குறி வைத்து தற்போது இந்திய அணி தங்களது பயணத்தை துவங்கியுள்ளது.
அதே வேளையில் தொடர்ச்சியாக பெரிய தொடர்களில் கோப்பையை வெல்லாத ஒரே காரணத்திற்காக ஐபிஎல் தொடரில் மும்பை அணியின் கேப்டன் பொறுப்பிலிருந்து நீக்கப்பட்ட ரோகித் சர்மா தற்போது முழுநேர பேட்ஸ்மேனாக விளையாடி வருகிறார். ரோகித்திற்கு அடுத்து மும்பை அணியின் கேப்டன் பொறுப்பை ஹார்டிக் பாண்டியா ஏற்றார்.
ஆனால் பாண்டியா தலைமையிலான அந்த அணி 10 தோல்விகளை பெற்று இந்த தொடரில் இருந்து கடைசி இடத்தை பிடித்து வெளியேறியது. இந்நிலையில் நேற்று மும்பை வான்கடே மைதானத்தில் நடைபெற்ற நடப்பு ஐபிஎல் கிரிக்கெட் தொடரின் 67-வது போட்டியில் விளையாடிய மும்பை அணியானது கடைசி போட்டியிலும் தோல்வியை சந்தித்து ஏமாற்றத்துடன் விடைபெற்றது.
இவ்வேளையில் இந்த போட்டியின் போது மும்பை அணி சார்பாக இம்பேக்ட் வீரராக களமிறங்கி அற்புதமான ஆட்டத்தை வெளிப்படுத்திய ரோகித் சர்மா 38 பந்துகளில் 10 பவுண்டரி மற்றும் 3 சிக்ஸர்கள் என 68 ரன்கள் குவித்து ஆட்டம் இழந்து வெளியேறினார். ஏற்கனவே மும்பை அணியின் நிர்வாகத்துடன் அதிருப்தியில் இருந்து வரும் ரோகித் சர்மா இனி மும்பை அணிக்காக விளையாட மாட்டார் என்று தெரிகிறது.
அடுத்த ஆண்டு நடைபெறவுள்ள ஐபிஎல் தொடருக்கு முன்னர் மெகா ஏலம் நடைபெற இருப்பதினால் மும்பை வான்கடே மைதானத்தில் மும்பை இந்தியன்ஸ் அணிக்காக ரோகித் சர்மாவுக்கு இதுவே கடைசி போட்டி என்று ரசிகர்கள் பலரும் மைதானத்திற்கு நேரில் அவரது ஆட்டத்தை காண வந்தனர். அதனை தொடர்ந்து இந்த போட்டியில் அவர் ஆட்டம் இழந்து வெளியேறிய போது இதுவே அவருடைய கடைசி போட்டி என்று நினைத்து ரசிகர்கள் எழுந்து நின்று கைதட்டி ஆரவாரத்துடன் ரோகித் சர்மாவை வழி அனுப்பினர்.
அதோடு நிச்சயம் அடுத்த சீசனில் வேறு ஏதாவது அணிக்கு சென்று கேப்டனாக விளையாட வாழ்த்துக்கள் என்றும் சில ரசிகர்கள் தங்களது சமூக வலைதள பக்கத்தின் மூலம் ரோகித் சர்மாவை வாழ்த்தி உள்ளது குறிப்பிடத்தக்கது.
crictamil
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
0 Comments