திருக்குறள் விளக்கம்- திருநெவேலி குரலில்-165

குறள் 468

ஆற்றின் வருந்தா வருத்தம் பலர்நின்று

போற்றினும் பொத்துப் படும்.

ஒரு வேலையை எத்தனை பேரு வேணாலும் சேர்ந்து செய்யலாம். சரியா செய்யாட்டா அது உருப்படாமத் தான் போவும். 

குறள் 472

ஒல்வ தறிவது அறிந்ததன் கண்தங்கிச்

செல்வார்க்குச் செல்லாதது இல்.

ஒண்ணை செய்ய நெனைய்க்கும் போது, அதைப்பத்தின சப்ஜாடாவையும் நல்லா தெரிஞ்சுக்கிட்டு அதுல எறங்குனா, முடியாத்துன்னு ஒண்ணுங் கெடையாது. 

குறள் 477

ஆற்றின் அறவறிந்து ஈக அதுபொருள்

போற்றி வழங்கு நெறி.

யாருக்கும் கொடுத்து உதவணும்னா, நமக்கு இருக்க வசதியைப் பாத்த பொறவு தான் கொடுக்கணும். அது தான் நம்ம கிட்ட இருக்கதை பாதுகாப்பா வைய்க்துக்குண்டான வழி. 

குறள் 478

ஆகாறு அளவிட்டி தாயினுங் கேடில்லை

போகாறு அகலாக் கடை.

நாம செய்யுத செலவு பெருசா இல்லைன்னா, வரவு கொறைவா இருந்தாக் கூடா பரவாயில்லை, ஒப்பேத்திக்கிடலாம். 

குறள் 485

காலம் கருதி இருப்பர் கலங்காது

ஞாலம் கருது பவர்.

நமக்குன்னு ஒரு காலம் வரும்னு நெனைச்சு பொறுமையா காத்து இருக்கவங்க,  இந்த ஒலகத்தையே கூட வென்று காட்டுவாங்க. 

(தொடரும்)

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS