பென்-குரியன் விமான நிலையம் உட்பட பல இஸ்ரேலிய இலக்குகள் மீது ஹெஸ்பொல்லா கடும் தாக்குதல்!

ஆக்கிரமிக்கப்பட்ட பாலஸ்தீனப் பகுதிகளுக்குள் இஸ்ரேலிய இலக்குகளுக்கு எதிராக புதிய தாக்குதல்களை ஆரம்பித்துள்ளதாக ஹிஸ்புல்லா தெரிவித்துள்ளது.

புதனன்று, லெபனான் போராளிகள் இயக்கம், டெல் அவிவின் தெற்கில் உள்ள பென் குரியன் சர்வதேச விமான நிலையத்திற்கு அருகில் உள்ள டிஜ்ரிஃபின் இராணுவ தளத்தில் ஏவுகணைகளை ஏவியது.

லெபனானில் இருந்து ஏவப்பட்ட ராக்கெட்டும் விமான நிலையத்திற்குள் விழுந்தது. லெபனானில் இருந்து மத்திய மற்றும் வடக்கு ஆக்கிரமிக்கப்பட்ட பகுதிகளை நோக்கி 10 ராக்கெட்டுகள் ஏவப்பட்டதாக இஸ்ரேலிய இராணுவம் உறுதிப்படுத்தியது.

மெட்டுல்லா குடியேற்றத்தில் உள்ள ஒரு இஸ்ரேலிய இராணுவ தளம் ராக்கெட் மூலம் தாக்குதலுக்கு உள்ளானது. நேரடித் தாக்குதலின் விளைவாக பல இஸ்ரேலிய இராணுவத்தினர்  உயிர் இழந்துள்ளதாகவும் ,பலர் காயம் அடிந்துள்ளதாகவும் தெரிவிக்கப்படுகின்றது.

இஸ்ரேலின் மெர்காவா டாங்கிகளும் அழிக்கப்பட்டுள்ளன.தாக்குதலின்போது தீப்பிடித்து முற்றாக அழிந்தது.

மறுபுறம் ஹெஸ்பொல்லா போராளிகள் சசா, கஃபர் சோல்ட் மற்றும் கிரியாத் ஷ்மோனா குடியிருப்புகளில் இஸ்ரேலிய இராணுவத்தினர் மீது  ராக்கெட் தாக்குதல் நடத்தியுள்ளார்கள்.

மேலும், ஹெஸ்பொல்லா போராளிகள்  ,மாலே கோலானி படைகள் மற்றும் ஆக்கிரமிக்கப்பட்ட கோலானில் உள்ள ராவியா  மற்றும் ஹைஃபாவின் தெற்கில் , ஹடேராவில் உள்ள வெடிபொருள் தொழிற்சாலையை குறிவைத்தும் தாக்குதல் நடாத்தியுள்ளது.

"லெபனான் மற்றும் காஸா மீதான ஆக்கிரமிப்பை இஸ்ரேல் நிறுத்தும் வரை தனது பதிலடி நடவடிக்கைகளைத் தொடறும்" என்று  ஹெஸ்பொல்லா உறுதியளித்துள்ளது.

இதற்கிடையில், இஸ்ரேலிய இராணுவம் லெபனான் மீது புதிய தாக்குதல்களை நடத்தியது, மேலும் பல பொதுமக்கள் கொல்லப்பட்டனர் மற்றும் காயமடைந்தனர்.

தலைநகர் பெய்ரூட்டின் தெற்கே உள்ள பார்ஜா நகரில் உள்ள குடியிருப்பு கட்டிடம் மீது போர் விமானங்கள் செவ்வாய்கிழமை  வெடிகுண்டுகள் வீசின. இந்த தாக்குதலில் குறைந்தது 20 பேர் கொல்லப்பட்டும் பலர் காயமடைந்ததாகவும் செய்திகள் தெரிவிக்கின்றன..

கடலோர நகரமான ஜியேவையும் வான்வழித் தாக்குதல்கள் மூலம் இஸ்ரேல் தாக்கியதில் , ஒரு நபர் கொல்லப்பட்டார் மற்றும் 20 பேர் காயமடைந்தனர்.

அக்டோபர் 2023 முதல் லெபனான் மீதான இஸ்ரேலிய குண்டுவீச்சில் 3,500 க்கும் அதிகமானோர் கொல்லப்பட்டுள்ளனர். 

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS