குறள் மொழியில் மிளிரும் நபி மொழிகள்!-21

வேட்டை Sunday, March 29, 2026

அருளுடைமை

குறள் மொழி 57

அருள்சேர்ந்த நெஞ்சினார்க் கில்லை இருள்சேர்ந்த 57. இன்னா உலகம் புகல்.

குறள் எண் : 243

குறள் மொழியின் பொருள் :

எல்லா உயிர்களிடத்திலும் கருணையுடன் நடந்து கொள்பவர்கள், இயற்கை பேரருளால் இருள் நிறைந்த துன்பம் எனும் நரகத்திற்குச் செல்ல மாட்டார்கள்.

நபிமொழி :

"யார் கருணையுடன் நடந்து கொள்கிறார்களோ, அவர்களுக்கு இறைவனும் கருணை காட்டுகிறான். அவர்களுக்குத் துன்பமில்லை. பூமியில் வாழ்வோரிடம் நீங்கள் கருணை காட்டினால் வானில் இருப்பவன் (இறைவன்) உங்களிடம் கருணை காட்டுவான்.

நபி பெருமான் (ஸல்)

ஆதாரம் : சுனன் அபூதாவூத் (குர் ஆன் 41:34)

வினைத்தூய்மை

குறள் மொழி 58

58. என்றும் ஒருவுதல் வேண்டும் புகழொடு

நன்றி பயவா வினை.

குறள் எண் : 652

குறள் மொழியின் பொருள் :

நன்மையும், புகழையும் தராத பயனற்ற தீய செயல்களை ஒருவன் எப்போதும் செய்யாமல் விட்டு விடவேண்டும். அதுவே நன்மை தரும்.

நபிமொழி:

நன்மையின் பக்கம் அழைக்கக்கூடிய ஒரு குழுவினர் உங்களிடையே கண்டிப்பாக இருந்திட வேண்டும். அவர்களோ நல்லவை புரியும்படி ஏவ வேண்டும்; தீயவற்றிலிருந்து தடுத்தவண்ணம் இருக்க வேண்டும். எவர்கள் இப்பணியைப் புரிகிறார்களோ உண்மையில் அவர்களே வெற்றியாளர் ஆவர்.

இறைவசனம் : திருக் குர்ஆன் - 3: 104

(தொடரும்)