குறள் மொழியில் மிளிரும் நபி மொழிகள்!-28

நடுவு நிலைமை

குறள் மொழி 71

சமன்செய்து சீர்தூக்கும் கோல்போல் அமைந்தொருபால் கோடாமை சான்றோர்க் கணி.

குறள் எண் : 118

குறள் மொழியின் பொருள் :

சமமாக நின்று தன்னிடத்தில் தராசு முள் வைக்கப்பட்டுள்ள பொருளின் அளவைக் காட்டுவதுபோல, நடுவுநிலைமையில் இருந்து தவறாமல் இருப்பதே நல்லவர்க்கு அழகு.

நபிமொழி :

விற்கும் பொழுதும் "வாங்கும் பொழுதும், வழக்குரைக்கும் பொழுதும் எந்த சூழலிலும் பெருந்தன்மையாக, நடுவுநிலை தவறாமல் நடந்து கொள்ளும் மனிதருக்கு இறைவன் அருள் புரிவானாக”! என்று அல்லாஹ்வின் தூதர் நபிபெருமானார் கூறினார்கள்.

- ஜாபிர் பின் அப்தில்லாஹ் (ரலி),ஆதாரம்:நூல் புகாரி- 2076

வாய்மை

குறள் மொழி 72

தன்நெஞ்சு அறிவது பொய்யற்க பொய்த்தபின்

தன்நெஞ்சே தன்னைச் சுடும்.

குறள் எண் : 293

குறள் மொழியின் பொருள் :

தன்மனம் அறிந்து பொய்பேசுதலோ, பொய்ச் சத்தியம் செய்தலோ கூடாது. அவ்வாறு பொய் உரைத்தால் பின்னர் தன்மனமே தன்னை வருத்தும்.

குறள் மொழியில் மிளிரும் நபி மொழிகள்-

நபிமொழி:

"பொய் உரைத்தல் மூலம் செய்யும் பொய் சத்தியம், சரக்கைச் சுலபமாக விற்பனை செய்ய உதவும். ஆனால் இறைவனின் பரக்கத் எனும் அருள்வளத்தை அழித்துவிடும்”. "தன் மனமறிய பொய்யுரைத்தல் பாவமாகும்" என்று அண்ணல் நபி பெருமானார் அவர்கள் கூறினார்கள்.

- அபூஹிரைரா (ரலி), ஆதாரம் : நூல் : புகாரி 2087.

(தொடரும்)

இலங்கை |  இந்தியா | உலகம் 

தமிழ்நாடு | விளையாட்டு 

தொடர்கதை | சிறுகதை 

கவிதை | செந்தமிழ் இலக்கியம் 

இஸ்லாமிய சிந்தனை 

மொழிபெயர்ப்புக் கதைகள் 

கட்டுரைகள் |  Ai SONGS |

ஆரோக்கியம் |வரலாறு|

சமையல்|HOME

Email;vettai007@yahoo.com