அண்ணலே! எங்கள் ஆருயிரே யாரசூலுல்லாஹ்

ஹுசூர் ஆகயே (பெருமானார் வந்துவிட்டார்கள்)

நமது அன்பிற்குரியவர் வந்துவிட்டார், துக்கத்தில் இருப்பவர்களே எழுந்திருங்கள், இதோ நல்ல செய்தி வந்துவிட்டது. பெருமானார் முஹம்மது நபி ஸல்லல்லாஹு அலைஹி வஸல்லம் அவர்கள் வந்துவிட்டார்கள். அகிலத்தின் சுல்தான் வந்துவிட்டார். அரசர்களே, பாவிகளே, உங்கள் பார்வைகளைத் தாழ்த்திக் கொள்ளுங்கள், இதோ அண்ணல் நபி ஸல்லல்லாஹு அலைஹி வஸல்லம் அவர்கள் வந்துவிட்டார்கள்.

இருள் விலகி ஒளி பரவுகிறது. விடியல் பிறந்துவிட்டது. அன்னை ஆமினா ரலியல்லாஹு அன்ஹா அவர்களின் இல்லத்திற்கு செய்தி எட்டியது, இதோ உங்கள் இல்லத்திற்கு பெருமானார் வந்துவிட்டார்கள் என்று.

ஹம்னே ஆன்கோன் ஸே தேக்கா நஹி (நாங்கள் கண்களால் பார்த்ததில்லை)

நாங்கள் முஹம்மது நபி ஸல்லல்லாஹு அலைஹி வஸல்லம் அவர்களை நேரில் கண்களால் பார்த்ததில்லை, ஆனால் அவர்களின் திருமுகம் எங்கள் இதயங்களில் பதிந்திருக்கிறது. இறைவனின் திருவசனமான கலிமாவை உலகுக்குக் கொண்டு வந்த அந்த உத்தமர் மதீனாவில் வீற்றிருக்கிறார்கள்.

மலர்கள் பூக்கின்றன, நறுமணம் வீசுகின்றன. ஆனால் தோட்டத்து மலர்களில் இல்லாத ஒரு நறுமணம், முஹம்மது நபி ஸல்லல்லாஹு அலைஹி வஸல்லம் அவர்களின் வியர்வையில் இருக்கிறது. சுவனம் மிகவும் அழகானது என்பதை நாங்கள் ஒப்புக்கொள்கிறோம். ஆனால் மதீனாவை விட்டுவிட்டு நாங்கள் எங்கும் செல்ல மாட்டோம். சுவனத்தில் எல்லாம் இருக்கலாம், ஆனால் மதீனா அங்கே இல்லை. ஆனால் சுவனமே மதீனாவில்தான் இருக்கிறது.

துன்பங்கள் நிறைந்த இந்த உலகை விட்டுச் செல்வது எங்களுக்குக் கடினமல்ல. ஆனால் மதீனாவை விட்டுப் பிரிவதுதான் எங்களால் இயலாத ஒன்று. மதீனாவில் இருக்கும் அந்த அழகான காட்சியைப் போல இந்த உலகம் வேறெந்தக் காட்சியையும் கண்டதில்லை.

 ஜஷ்னே ஆமதே ரசூல் (ரசூலுல்லாஹ்வின் வருகை விழா)

வானத்து நட்சத்திரங்கள் மினுமினுக்கின்றன, தேவதூதர்கள் மகிழ்ச்சியைக் கொண்டாடுகிறார்கள். எல்லா திசைகளிலும் ஒளியின் பிரகாசம் பரவுகிறது. முஹம்மது நபி ஸல்லல்லாஹு அலைஹி வஸல்லம் அவர்களைப் பெற்றதின் மூலம் எங்களுக்கு வாழ்வே கிடைத்துவிட்டது. அன்னை ஆமினா ரலியல்லாஹு அன்ஹா அவர்களின் மடியில் இரு உலகிற்கும் அருட்கொடையானவர் வந்துவிட்டார்.

முஹம்மது நபி ஸல்லல்லாஹு அலைஹி வஸல்லம் அவர்களின் திருமுகம் காட்டப்பட்டபோது, நட்சத்திரங்கள் மறைந்துவிட்டன, சந்திரன் வெட்கித் தலைகுனிந்தது. அன்னை ஆமினா ரலியல்லாஹு அன்ஹா அவர்கள் புன்னகைக்கிறார்கள். அன்னை ஹவ்வா அலைஹிஸ்ஸலாம் அவர்களும்,

அன்னை மரியம் அலைஹிஸ்ஸலாம் அவர்களும் மகிழ்ச்சியில் திளைக்கிறார்கள். அன்னை ஆமினா ரலியல்லாஹு அன்ஹா அவர்கள் அனைவரிடமும், "அல்லாஹ்வின் தூதர் இதோ என் மடியில் மலராக மலர்ந்துவிட்டார்" என்று கூறுகிறார்கள்.

எல்லா இடங்களிலும் சந்தோஷ முரசுகள் முழங்குகின்றன. மகிழ்ச்சியான பாடல்கள் இசைக்கப்படுகின்றன. இறைவனின் தூதர் பிறந்துவிட்டார் என்ற சத்தம் எங்கும் ஒலிக்கிறது. அவரே அல்லாஹ்வின் தூதர், அவரே நமக்கான வழிகாட்டி.

(தொடரும்)