குற்றப் புலனாய்வுத் திணைக்களத்துக்குப் பொறுப்பான சிரேஷ்ட பிரதி பொலிஸ் மா அதிபர் ஷானி அபேசேகர, பொது பாதுகாப்பு அமைச்சின் செயலாளர் ரவி செனவிரத்ன மற்றும் அருட்தந்தை சிறில் காமினி ஆகியோருக்கு எதிராக ராஜபக்ஸ குடும்பத்தின் பிரதிநிதியொருவரால் உயர் நீதிமன்றத்தில் தாக்கல் செய்யப்பட்ட மனு நிராகரிக்கப்பட்டுள்ளது.
சாந்த ஜயதிலக என்பவரால் தாக்கல் செய்யப்பட்ட இந்த மனுவில், மூவரும் நீதிமன்றத்தை அவமதித்ததாகக் குற்றஞ்சாட்டப்பட்டிருந்தது. நேற்று (28) மூன்று நீதியரசர்களைக் கொண்ட அமர்வு முன்னிலையில் மனு விசாரணைக்கு எடுத்துக்கொள்ளப்பட்டது.
நீதிமன்ற அவமதிப்பு தொடர்பாக ஏற்றுக்கொள்ளக்கூடிய எந்தவொரு ஆதாரத்தையும் மனுதாரரால் முன்வைக்க முடியாத நிலையில், மனு நிராகரிக்கப்பட்டுள்ளது. ஓய்வுபெற்ற விமானப்படை அதிகாரியான சாந்த ஜயதிலக, ராஜபக்ஸ குடும்பத்தின் நெருங்கியவராகச் செயற்படுபவர் எனத் தெரிவிக்கப்பட்டுள்ளது.
lankatruth
கட்டுரைகள் | Ai SONGS |
Email;vettai007@yahoo.com
0 Comments