வெளியே மழை பலமாகப் பெய்துக் கொண்டிருந்தது.
அந்த பழைய வீட்டின் உள்ளே இருந்தவர்கள் யாரும் பேசவில்லை.
அந்நியன் தரையில் சிதறிக் கிடந்த புகைப்படங்களை நோக்கி நின்றிருந்தான்.
பாட்டியின் முகத்தில் பயமும் வேதனையும் கலந்து இருந்தது.
ஊமைப் பெண் குனிந்து ஒரு புகைப்படத்தை எடுத்தாள்.அதில் சிறுமியாக இருந்த அவள், அருகில் நின்றிருந்த சிறுவன், பின்னால் சிரித்த முகத்துடன் நின்ற ஒரு தம்பதியினர்.
அவளது விரல்கள் நடுங்கின.
திடீரென அவளது மனதில் ஒரு காட்சி மின்னியது.
ஒரு பெரிய மாளிகை...வண்ண விளக்குகள்...
தன்னைத் தோளில் சுமந்தபடி சிரித்துக் கொண்டிருந்த ஒரு மனிதர்...அந்த மனிதர் முகம் மட்டும் தெளிவாகத் தெரியவில்லை.
அவள் தலையைப் பிடித்துக் கொண்டாள்.
பாட்டி பதறி அவளருகே ஓடிவந்தார்.
"நிலா!"அந்தப் பெயரைக் கேட்டதும் அவள் மெதுவாகத் தலைநிமிர்ந்தாள்.
இப்போது அந்தப் பெயர் அவளுக்குப் புதிதாகத் தோன்றவில்லை.
பல வருடங்களாக மனதின் ஆழத்தில் புதைந்து கிடந்த ஏதோ ஒன்று மெதுவாக உயிர் பெறுவது போல இருந்தது.
அந்நியன் மெதுவாகச் சிரித்தான்.
"நினைவுகள் திரும்ப ஆரம்பிச்சுடுச்சு."
மர்ம மனிதர் அவனை கோபமாகப் பார்த்தான்.
"நீ இங்கே எதற்காக வந்திருக்கிறாய்?"
"உண்மையைச் சொல்ல."
"இல்லை," என்றான் மர்ம மனிதர்.
"நீ உண்மைக்காக வரலை. நீ ஏதோ ஒன்றைத் தேடி வந்திருக்கிறாய்."
அந்த வார்த்தையைக் கேட்டதும் அந்நியனின் முகத்தில் இருந்த சிரிப்பு மறைந்தது.
சில நொடிகள் அமைதியாக நின்றவன், மெதுவாக பாட்டியை நோக்கித் திரும்பினான்.
"அது இன்னும் உங்களிடம் இருக்கிறதா?"
பாட்டியின் முகம் வெளிறியது.
"எதைப் பற்றி சொல்கிறாய்?"
"உங்கள் மகன் இறப்பதற்கு முன் உங்களிடம் ஒப்படைத்த பொருளை."
ஊமைப் பெண் குழப்பத்துடன் இருவரையும் பார்த்தாள்.
மர்ம மனிதரின் கண்களும் கூர்மையானது.
"என்ன பொருள்?" என்று கேட்டான்.
பாட்டி உடனே பதில் சொல்லவில்லை.
அவரது கண்களில் மீண்டும் அந்த பழைய பயம் தோன்றியது.
வெளியே திடீரென இடி முழங்கியது.
அதே நேரத்தில்
டப்!
வீட்டின் மின்சாரம் முழுவதும் அணைந்தது.
இருள்.
எங்கும் அடர்ந்த இருள்.
ஊமைப் பெண் தன்னிச்சையாக பின்னால் நகர்ந்தாள்.
அந்த இருளில் யாரோ ஒருவரின் காலடி சத்தம் கேட்டது.
ஒரு முறை...
இரண்டு முறை...
மூன்று முறை...
அது வீட்டின் உள்ளே இருந்த யாருடைய காலடிச் சத்தமும் இல்லை.
அங்கு இன்னொருவர் இருந்தார்.
பாட்டியின் நடுங்கிய குரல் இருளைக் கிழித்தது.
"அவன் வந்துட்டான்..
(தொடரும்)
கட்டுரைகள் | Ai SONGS |
Email;vettai007@yahoo.com
0 Comments