சிட்னி : ஆஸ்திரேலியாவுக்கு எதிரான மூன்று போட்டிகள் கொண்ட டெஸ்ட் தொடரில் பாகிஸ்தான் அணி மூன்றிலும் தோல்வி அடைந்தது. ஆஸ்திரேலியா 3 - 0 என்ற கணக்கில் டெஸ்ட் தொடரை கைப்பற்றியது. இது டேவிட் வார்னரின் கடைசி டெஸ்ட் தொடர் என்பதும் குறிப்பிடத்தக்கது. இந்த டெஸ்ட் தொடரின் முதல் போட்டியில் பாகிஸ்தான் அணி 360 ரன்கள் வித்தியாசத்தில் இமாலய தோல்வியை சந்தித்தது. அடுத்த போட்டியில் போராட்டத்தை வெளிப்படுத்திய போதும் 79 ரன்கள் வித்தியாசத்தில் ஆஸ்திரேலிய அணியிடம் தோற்றது.
மூன்றாவது டெஸ்ட் போட்டியில் ஆறுதல் வெற்றி பெறலாம் என எண்ணிய பாகிஸ்தான் அணிக்கு இங்கும் ஏமாற்றமே மிஞ்சியது. சிட்னியில் நடந்த மூன்றாவது டெஸ்ட் போட்டியில் பாகிஸ்தான் அணி முதலில் பேட்டிங் செய்து 313 ரன்கள் குவித்தது. ஆஸ்திரேலிய கேப்டன் பாட் கம்மின்ஸ் 5 விக்கெட் வீழ்த்தி இருந்தார். அடுத்து ஆஸ்திரேலியா முதல் இன்னிங்க்ஸில் 299 ரன்கள் மட்டுமே எடுத்தது. எனவே, இரண்டாம் இன்னிங்க்ஸில் பாகிஸ்தான் அணி 250 ரன் குவித்தால் வெற்றி வாய்ப்பு கிடைக்கும் என கருதிய நிலையில் பாகிஸ்தான் அணி மோசமான விக்கெட் சரிவை சந்தித்தது. மூன்றாம் நாள் முடிவில் 58 ரன்களுக்கு 3 விக்கெட் இழப்பு என்ற நிலையில் இருந்து 67 ரன்களுக்கு 7 விக்கெட் இழப்பு என்ற இடத்துக்கு சரிந்தது பாகிஸ்தான்.
நான்காவது நாளில் பாகிஸ்தான் அணி 115 ரன்களுக்கு ஆல் - அவுட் ஆனது. அடுத்து ஆஸ்திரேலிய அணியின் உஸ்மான் கவாஜா டக் அவுட் ஆன போதும் தன் கடைசி டெஸ்ட் இன்னிங்க்ஸில் பேட்டிங் செய்த டேவிட் வார்னர் 57 ரன்கள் குவித்து ஆட்டமிழந்தார். லாபுஷேன் 62 ரன்கள் குவித்தார். ஆஸ்திரேலியா 8 விக்கெட் வித்தியாசத்தில் வெற்றி பெற்று தொடரை 3 - 0 என கைப்பற்றியது.
mykhel
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
0 Comments