வள்ளுவரிடம் கேட்டதும் கிடைத்ததும்-50

246. வினா : எதனை விடுபவனுக்குத் துன்பம் இல்லை?

விடை: எதனெதன் மீது ஆசையை விட்டு விடுகிறானோ அதனதனால் ஒருவனுக்குத் துன்பமில்லை.

யாதனின் யாதனின் நீங்கியான் நோதல் அதனின் அதனின் இலன்.(341)

247.வினா : வானோர்க்கும் உயர்ந்த புகழ் யாருக்குக் கிட்டும்?

விடை : 'நான்' என்ற ஆணவத்தை அழித்தவர்க்கு.

யான்எனது என்னும் செருக்குஅறுப்பான் வானோர்க்கு உயர்ந்த உலகம் புகும்.(346)

248.வினா : யாரைப் பற்றிக் கொள்ள வேண்டும்?

விடை : ஆசை இல்லாதவர்களை.

பற்றுக பற்றற்றான் பற்றினை அப்பற்றைப் பற்றுக பற்று விடற்கு.(350)

249.வினா : வள்ளுவர் எக்கருத்தில் மெய்ப்பொருளைக் கூறுகிறார்?

விடை : 1.பொருளின் தன்மையைப் பற்றியது.

எப்பொருள் எத்தன்மைத் தாயினும் அப்பொருள் மெய்ப்பொருள் காண்பது அறிவு.(355)

விடை : 2. பொருளின் தன்மையை அவரவர் விளக்கும் பொருள் பற்றியது.

எப்பொருள் யார்யார்வாய்க் கேட்பினும் அப்பொருள் மெய்ப்பொருள் காண்பது அறிவு.(423)

250. வினா : எப்படி வாழ்ந்தால் துன்பங்கள் கெடும்?

விடை : ஆசை, சினம், மயக்கம் இவைகளை நீக்கி வாழ்ந்தால்

காமம் வெகுளி மயக்கம் இவைமூன்றன் நாமம் கெடக்கெடும் நோய்.(360)

(தொடரும்)

மேலும்...வேட்டை வாரமலர்