நாட்டின் வளர்ச்சிக்கு மக்கள் தொகை தடையாக உள்ளதாக கருதுபவர்கள், இந்த நாட்டின் வளர்ச்சி கதையை படிக்க வேண்டும். இந்த நாட்டில் மக்கள் தொகை அடர்த்தி ஆண்டுக்கு 100% ஆகும்.
அதிகப்படியான மக்கள் தொகை நமது நாட்டின் வளர்ச்சிப் பாதையில் மிகப்பெரிய தடையாக கருதப்படுகிறது. இன்று நாம் உலகிலேயே அதிக மக்கள் தொகை கொண்ட நாடாக இருக்கிறோம். இதில் சீனாவை கூட பின்னுக்கு தள்ளிவிட்டோம். இந்தியாவில் மக்கள் தொகை அடர்த்தி ஒரு கி.மீ.க்கு 488. அதிக மக்கள் தொகை காரணமாக, ஒவ்வொரு குடிமகனின் தேவைகளையும் அரசால் நிறைவேற்ற முடியவில்லை என்று கொள்கை வகுப்பாளர்களில் (policy makers) பெரும்பாலானோர் நம்புகின்றனர். இதற்கிடையே, இன்று நாம் மக்கள் தொகையை விட 17 மடங்கு அடர்த்தியான ஒரு நாடு குறித்து பார்க்கப் போகிறோம். அங்கு ஒரு சதுர கிலோ மீட்டருக்கு 8,332 பேர் வாழ்கின்றனர்.
அங்கு தனிநபர் வருமானம் சுமார் ஒரு லட்சம் அமெரிக்க டாலர்கள். அதாவது ஆண்டுக்கு சுமார் ரூ.84 லட்சம். இந்தத் தொகை இந்தியாவிலும், உலகிலும் உள்ள சிறந்த தலைமை நிர்வாக அதிகாரிகளின் ஊதியத்துக்கு சமம். ஆனால், இந்த நாட்டில் உள்ள ஒவ்வொருவரின் சராசரி வருமானம் இதுதான். அதேசமயம் நம் நாட்டில் தனிநபர் வருமானம் ஆண்டுக்கு சுமார் 8 ஆயிரம் டாலர்கள். அதாவது, சுமார் ரூ.7 லட்சம்.
உலக நாடுகளுக்கு எடுத்துக்காட்டு!
இவ்வளவு நேரம் நாம் பேசியது சிங்கப்பூரை பற்றி தான். தென்கிழக்கு ஆசியாவில் சிங்கப்பூர் ஒரு முக்கியமான நாடு. செப்டம்பர் 4 மற்றும் 5 ஆகிய தேதிகளில் பிரதமர் நரேந்திர மோடி மீண்டும் சிங்கப்பூர் செல்கிறார். மொத்தம் 700 சதுர கிலோ மீட்டர் பரப்பளவில் பரந்து விரிந்து கிடக்கும் இந்த நாட்டின் மக்கள் தொகை 56 லட்சம் மட்டுமே. ஆனால், செல்வத்தின் அடிப்படையில், இந்த நாடு உலகிற்கு ஒரு எடுத்துக்காட்டாக திகழ்கிறது. தனிநபர் வருமானத்தைப் பொறுத்தவரை, இது உலகில் இரண்டாவது இடத்தில் உள்ளது. சீனாவின் வளர்ந்து வரும் செல்வாக்கை எதிர்கொள்ள, தென்கிழக்கு ஆசிய நாடுகளுடனான தனது உறவை இந்தியா தொடர்ந்து வலுப்படுத்தி வருகிறது.
சிங்கப்பூரின் சீறிய வளர்ச்சி!
இந்தியாவும் சிங்கப்பூரும் நல்ல உறவைப் பகிர்ந்து கொள்கின்றன. இரு நாடுகளுக்கும் இடையே பல ஒப்பந்தங்கள் கையெழுத்தாகியுள்ளன. உலக வரைபடத்தில் கூட கண்டுபிடிக்க முடியாத நாடு சிங்கப்பூர். ஆனால், இன்று இந்த நாடு உலகின் பல பெரிய நிறுவனங்களின் மையமாக உள்ளது. இந்தியாவுடன் ஒப்பிடுகையில் இந்த நாடு மிகவும் இளமையானது. மிகக் குறுகிய காலத்தில் சிங்கப்பூர் மிகப்பெரிய வளர்ச்சி அடைந்திருக்கிறது.
முக்கிய ஒப்பந்தங்கள் கையெழுத்து?
கடந்த நிதியாண்டில் சிங்கப்பூரில் இருந்துதான் இந்தியாவுக்கு அதிக அந்நிய நேரடி முதலீடு (எப்டிஐ) வந்தது. இந்த தொகை 11.77 பில்லியன் டாலர்கள். இந்நிலையில், பிரதமர் மோடியின் சிங்கப்பூர் பயணத்தின்போது, செமிகண்டக்டர்கள் தொடர்பாக இரு நாடுகளுக்கும் இடையே முக்கிய ஒப்பந்தம் எட்டப்படலாம் என தகவல்கள் வெளியாகியுள்ளன. செமிகண்டக்டர் துறையில் இந்தியா விரிவான முதலீடுகளை செய்து வருகிறது. இந்த பயணத்தின்போது, பிரதமர் மோடி அங்குள்ள அனைத்து சிஇஓக்கள் கூட்டத்தில் உரையாற்ற உள்ளார்.
news18
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
Tags:
உலகம்