திருக்குறள் விளக்கம்- திருநெவேலி குரலில்-160

குறள் 421

அறிவற்றங் காக்குங் கருவி செறுவார்க்கும்

உள்ளழிக்க லாகா அரண்.

நல்ல அறிவுங்கிறது நமக்கு அழிவு வராம காக்கக்கூடிய ஒரு கருவி. பகைவர்களால ஒண்ணுமே செய்யமுடியாத ஒரு பாதுகாப்பு அரண். 

குறள் 426

எவ்வ துறைவது உலகம் உலகத்தோடு

அவ்வ துறைவ தறிவு.

ஒலகத்துல இருக்க பெரிய ஆளுங்க எப்படி வாழ்றாங்களோ அதுக்கு ஏத்த மாதிரி நாமளும் வாழ்றது தான் அறிவுள்ள செயல். 

குறள் 427

அறிவுடையார் ஆவ தறிவார் அறிவிலார்

அஃதறி கல்லா தவர்.

படிச்சவங்களுக்கு  ஒண்ணு செஞ்சா அடுத்தாப்ல பதிலுக்கு என்ன நடக்கும்ங்கிறது நல்லா தெரியும். ஆனா படிக்காதவொளுக்கு அதுல்லாம் ஒரு மண்ணும் தெரியாது. 

குறள் 430

அறிவுடையார் எல்லா முடையார் அறிவிலார்

என்னுடைய ரேனும் இலர்.

நல்ல அறிஞர்கள்னா சிலது இல்லாட்டாலும் எல்லாம் இருக்கவங்க தான். ஆனா அறிவில்லாதவங்க கிட்ட என்ன இருந்தாலும் ஒண்ணுமே இல்லாதவங்க தான். 

குறள் 431

செருக்குஞ் சினமும் சிறுமையும் இல்லார்

பெருக்கம் பெருமித நீர்த்து.

இறுமாப்பு, கோவம், சின்னத் தனம் இதுல்லாம் இல்லாம இருக்கவங்களோட செல்வாக்கும் பெருமையும் மேன்மையானது. 

(தொடரும்)

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS