ஜம்ஷிட் ஷர்மாட் (Jamshid Sharmahd, 69) என்னும் நபருக்கே இவ்வாறு மரண தண்டனை நிறைவேற்றப்ட்டுள்ளது.
கடந்த 2008ஆம் ஆண்டு, ஈரானிலுள்ள Shiraz என்னுமிடத்திலுள்ள மசூதி ஒன்றில் நிகழ்ந்த குண்டு வெடிப்பு சம்பவத்தில் 14 பேர் உயிரிழந்தனர்.
இந்நிலையில், அந்த சம்பவத்துக்கும் குறித்த நபருக்கும் தொடர்பு இருப்பதாக அவர் மீது குற்றம்சுமத்தி, அவருக்கு 2023ஆம் ஆண்டு மரண தண்டனை விதிக்கப்பட்டுள்ளது.
அவரின் மகள், தனது தந்தைக்கு மரணதண்டனையிலிருந்து விலக்கு அளிக்குமாறு தொடர்ந்து கோரிக்கை முன்வைத்து வந்துள்ளார். இருப்பினும், நேற்றைய தினம், ஜம்ஷிடுக்கு ஈரான் மரண தண்டனையை நிறவேற்றியுள்ளது.
இந்நிலையில், ஜேர்மன் நாட்டின் சேன்ஸலர் ஓலாஃப் ஷோல்ஸ், ஜம்ஷிடுக்கு மரண தண்டனை நிறைவேற்றப்பட்டதற்கு கடும் கண்டனத்தை வெளியிட்டுள்ளார்.
அத்துடன், ஜேர்மன் வெளியுறவுத்துறை அமைச்சரான அனலேனா பேர்பாக் ஜேர்மன் இரட்டைக்குடியுரிமை கொண்டவரான ஜம்ஷிடுக்கு ஈரான் மரண தண்டனை நிறைவேற்றியுள்ளமைக்கு கடும் கண்டனம் தெரிவித்துள்ளதுடன், தனது தரப்பு நியாத்தை எடுத்துரைக்கக்கூட ஜம்ஷிட்டுக்க வாய்ப்பளிக்கப்படவில்லை என்று கூறியுள்ளார்.
அதேவேளை, சர்வதேச மனித உரிமை அமைப்பான ஆம்னஸ்டி இண்டர்னேஷனல் அமைப்பும், ஜம்ஷிட்டுக்கு தனது தரப்பு நியாத்தை எடுத்துரைக்க வாய்ப்பளிக்காமல் மரணதண்டனை நிறைவேற்றப்பட்டமைக்கு கடும் கண்டனம் தெரிவித்துள்ளது.
tamilwin
மேலும்...தமிழ்நாடு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
மேலும்...இலங்கை செய்திகள்
மேலும்...இந்தியா செய்திகள்
மேலும்...உலக செய்திகள்
மேலும்..விளையாட்டு செய்திகள்
.gif)
0 Comments