"இஸ்ரேலிய (மக்காபி) ரசிகர்கள் வன்முறையைத் தூண்டினர்":ஆம்ஸ்டர்டாம் கால்பந்து போட்டியில் என்ன நடந்தது?

கடந்த ஆண்டு அக்டோபரில் காஸா மீது இஸ்ரேல் போர் தொடுத்ததில் இருந்து, பாலஸ்தீனப் பகுதியில் இஸ்ரேல்   நடாத்தும் கொடூரமான இனப்படுகொலைக்கு அமெரிக்காவும்.மேற்கத்திய நாடுகளும் தொடர்ந்தும் உதவி வருகின்றன.

காசாவில் இஸ்ரேலின் கொடூரக் குற்றங்களுக்கு , அமெரிக்கா, கனடா,மற்றும்  ஐரோப்பா நாடுகள் உதவி வருகின்றன.

சுதந்திரத்துக்காக போராடும் மக்களை பயங்கரவாதிகளாக சித்தரித்து பொதுமக்களை இஸ்ரேல் கொன்று குவிக்கின்றது.

அமைதியை விரும்பும் உலக நாடுகள் இஸ்ரேலுக்கு எதிரான கருத்துக்களை தெரிவித்து வருகின்றன்.இது இஸ்ரேலுக்கும் அதற்கு ஆதரவு கொடுக்கும் அமேரிக்கா,கனடா,மற்றும் ஐரோப்பா நாடுகளுக்கும் பொருளாதார ரீதியில் பாரிய இழப்பை சந்திக்கும் நிலை உருவாகியுள்ளது.

   

இந்நிலையில்  சமீபத்தில் நெதர்லாந்த் தலைநகரில் யூரோபா லீக் கால்பந்து போட்டியில் நடந்த சம்பவங்கள்  மேற்கு நாடுகளின் இஸ்ரேல் சார்பு நோக்கி மீண்டும் உலகளாவிய கவனத்தை செலுத்தியுள்ளன.

நெதர்லாந்தின் தலைநகரில் இஸ்ரேலியர்கள் மற்றும் அவர்களது ஆதரவாளர்களின் கிரிமினல் நடவடிக்கைகள் உலகலாவிய பேசும் பொருளாக மாறியுள்ளது.

கடந்த வியாழன் இரவு, இஸ்ரேலிய கால்பந்து ஆதரவாளர்கள் தங்கள் அணியான மக்காபி டெல் அவிவ் மற்றும் அஜாக்ஸ் அணிகளுக்கு இடையே ஆம்ஸ்டர்டாமில் நடந்த யூரோபா லீக் கால்பந்து போட்டிக்கு முன்னும் பின்னும் பாலஸ்தீனிய ஆதரவு  என்று நம்பப்படும் மக்களை தாக்கினர்.

நகரின் முக்கிய அரங்கம் மற்றும் அஜாக்ஸ் ஆம்ஸ்டர்டாமின் ஹோம் ஸ்டேடியமான ஜோஹன் க்ரூஃப் அரங்கிற்கு வெளியேயும், மற்ற பகுதிகளிலும் தாக்குதல்கள் நடந்தன. 

சமூக ஊடகங்களில் பரவிய வீடியோக்கள் இஸ்ரேலிய மக்காபி ரசிகர்கள் பாலஸ்தீனியர்கள் மற்றும் அரேபியர்களை "பயங்கரவாதிகள்" என்று அவமதிக்கும் வகையில் கத்துவதைக் காட்டுகிறது. 

காஸாவில் பாலஸ்தீனியர்கள் படுகொலை செய்யப்பட்டதற்கு ஆதரவு தெரிவித்தும், பாலஸ்தீனக் கொடிகளைக் கிழித்தும் அவர்கள் இஸ்ரேலியக் கொடிகளை அசைப்பது போன்ற காட்சிகளும் காணப்படுகின்றன. 

பாலஸ்தீன ஆதரவாளர்கள் மத்திய அணை சதுக்கத்திற்கு அருகே - நகராட்சியின் அறிவுறுத்தலின்படி - கால்பந்து போட்டியின் போது அமைதியான போராட்டத்தை நடத்துவதற்கு ஒன்று கூடினர்.

இந்நிலையில் அமைதியாக போராடிய பாலஸ்தீன் ஆதரவாளர்களை இஸ்ரேலிய கால்பந்து ரசிகர்கள் தாக்கியுள்ளார்கள்.

இதனை அடுத்து நூற்றுக்கணக்கான துருப்புக்களைக் காவல்துறை நிறுத்தியது.கலவரத்தைத் தூண்டிய பலரை காவல் துறை கைது செய்தது.

ஆம்ஸ்டர்டாம் நகர சபை உறுப்பினர் ஒருவர் சம்பவம் தொடர்பில் கருத்துத் தெரிவிக்கையில் "இஸ்ரேலிய (மக்காபி) ரசிகர்கள் வன்முறையைத் தூண்டுவதாக" குற்றம் சாட்டினார். 

"இஸ்ரேலியர்கள் , பாலஸ்தீனியக் கொடிகளுடன் ஆம்ஸ்டர்டாமில் உள்ள மக்களின் வீடுகளைத் தாக்கத் தொடங்கினர், அதனால்தான் உண்மையில் வன்முறை தொடங்கியது" என்று கவுன்சிலர் Jazie Veldhuyzen வெள்ளிக்கிழமை அல் ஜசீராவிடம் கூறினார்.

ஆம்ஸ்டர்டாம் நிறவெறிக்கு உறுதுணையாக இருக்கிறது: நெதர்லாந்தின் அரபு மற்றும் பாலஸ்தீனிய குடிமக்களை அடித்த இஸ்ரேலிய கால்பந்து ரசிகர்களைப் பாதுகாப்பதாக டச்சு காவல்துறைமீது  குற்றம் சாட்டப்படுகிறது.  

அவர் மேலும் கூறினார், "இஸ்ரேலிய குண்டர்களுக்கு எதிராக , ஆம்ஸ்டர்டாம் மக்கள் தங்களை அணிதிரட்டி, இஸ்ரேலிய மக்காபி குண்டர்களால் புதன்கிழமை தொடங்கிய தாக்குதல்களை எதிர்கொண்டனர்."

இஸ்ரேல் கால்பந்து அணியின் ஆக்ரோஷமான செயல்களுக்கு டச்சு போலீசார் மன்னிப்பு வழங்குவதாக வெல்துய்சென் குற்றம் சாட்டினார். 

"அம்ஸ்டர்டாமர்கள் தங்கள் சொந்த மக்களைப் பாதுகாக்கவும் தங்கள் சொந்த வீடுகளைப் பாதுகாக்கவும் எழுந்து நின்றபோது போலீஸார் மக்காபி ஹூலிகன்களைப் பாதுகாக்க மட்டுமே செயல்பட்டனர். மக்களைத் தாக்கிவிட்டு மக்காபி ரசிகர்கள் ஓடியபோது அவர்களைப் பாதுகாக்க போலீஸார் முன்வந்தனர், ”என்று அவர் குறிப்பிட்டார்.  

விடுதலைக்காகப் போராடும் பாலஸ்தீன மக்களுக்கு அவப்பெயரை உண்டாக்கும் வகையில் இஸ்ரேலியர்களின் இந்த செயலுக்கு பலரும் கண்டனம் தெரிவித்து வருகின்றனர்.

மாஸ்டர் 

மேலும்...வேட்டை வாரமலர்

மேலும்...தமிழ்நாடு செய்திகள் 
மேலும்...இலங்கை  செய்திகள் 
மேலும்...இந்தியா  செய்திகள் 
மேலும்...உலக  செய்திகள் 
மேலும்..விளையாட்டு செய்திகள் 

VETTAI ENGLISH

 Ai SONGS